Монголын улс төрийн хоёр аварга У.Хүрэлсүх, Х.Баттулгын ойртож, холдсон 10 орчим жилийн замнал Л.Оюун-Эрдэнийг Ерөнхий сайдын суудлаас огцруулснаар “нэг мөсөн” салсан билээ.
Ц.Элбэгдорж, М.Энхболд хоёрыг МАНАН-гаар нь дуудаж муулсаар гарч ирсэн хоёр аварга хоршихдоо харин нэг, нэгнийхээ нам дотор хүртэл өөрсдийнхөө хүмүүсийг шургуулан, МАНАН цаашаа холион бантан хутгасан гэдэг.
Х.Баттулгын хэлснээр “У.Хүрэлсүх Сү.Батболдтой нийлэн “Төрийн эргэлт хийсэн” 2021 онд мань хоёр холдоход МАН, АН-ын аль, алинд нь “улс төрийн үхдэл”-үүд олноороо бий болж байсан нь тэр хоёрын хутгасан бантантай холбоотой. 2024 оны сонгуулиар энэ бантан арай шингэрсэн ч Л.Оюун-Эрдэнэ намын дарга, Ерөнхий сайд байсан тул Х.Баттулгын нөлөө МАН дотор бодитой оршсон хэвээр байсан. Улмаар эртний өстөн “Эм Си Эс”-ээс “Ухаа худаг”-ийг нь хураах дөхөөд ирэхэд Ж.Оджаргал хөдөлснөөр Л.Оюун-Эрдэнийн зам шулуудсан болов уу.
Ж.Оджаргалын ард Сү.Батболд байх ч магадлалтай. Өмнө нь “У.Хүрэлсүхтэй нийлж төрийн эргэлт хийсэн” гэж Х.Баттулгад адлуулж байсан тэрбээр сүр хүчээ мэдрүүлсэн байх магадлал өндөр.
Ингээд анхнаасаа Х.Баттулга, У.Хүрэлсүх хоёрын “дундын хувилбар” гэдгээрээ МАН-ын дарга, Ерөнхий сайдын суудалд заларсан Л.Оюун-Эрдэнэ унаж, Г.Занданшатар Ерөнхий сайд болсноор зуны улс төр дууссан.
Гэхдээ, шийдэл нэгэнт гарсан тул “бэлтгэл ажил” хангагдсаар “Намрын улс төр” халаа сэлгээ, дуулиан шуугиантай үргэлжлэх нь тодорхой болоод байна.
Ерөнхийд нь хэлбэл, МАН Г.Занданшатарыг намын даргын суудлаа авч, байр сууриа бэхжүүлэхийг хүлээн, наана нь олон нийтэд таалагдах ажилдаа түлхүү анхаарч, таалагдахгүй шийдвэрүүдээ нөөж байгаа бол АН дотор Х.Баттулга нөлөөгөө алдахгүй байх, намын даргаар өөрийн хүнээ тавих ажилдаа ороод байна.
Энэ асуудлууд шийдэгдсэний ар дээр Л.Оюун-Эрдэнийн улс төрд байршуулсан хүмүүсийг “сугалах” ажил эхэлнэ. Сүүлийн үед төрийн албан тушаалтныг алдаан дээр нь дөрөөлж, зарлаж байж огцруулдаг жишиг тогтсон. Намрын улс төрийг дуулиан, шуугиантай гэж онцлоод байгаагийн учир энэ.
Харамсалтай нь, тогтолцоо хэвээрээ учир яаж ч нэгнээ муулаад хариуцлага хүлээх хүн олдохгүй болов уу. Монголын эмгэнэл энэ л байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.31.194
Хулхи Сүрэл тийм эр зориг бас эр хүний зориг огтхон байхгүй. Хувиа бодож довоо шарлуулсан этгээд. Худал бүлтрэхээс цаашгүйг олон түмэн мэддэг болсон
Хариулах66.181.161.65
Муу юмандаа сайн ажилладаг тархитай МАНАНцарууд л даа,
Хариулах202.126.91.219
Хурандаа Эр хүн шиг зан гаргаад Анодын энхтөрииг гавнаас салгаад эхнэр хүүхэд рүү нь явуулаачээ! Наад хүн чинь солиорлоо! Цагтаа та гар зээл аваад тэрниигээ ч төлөөгүй юм бналээшдээ! Нэгниихээ муу г үзэж ханахгүй байна уу? Будь Мужиком Хүрэлсүх ээ!
Хариулах