Ардчилсан намын даргад нэр дэвшин өрсөлдөх УИХ-ын гишүүн Ө.Шижир нэр дэвшигчийн материалаа Дотоод сонгуулийн хороонд өглөө.
Тэрбээр энэ үедээ “Ардчилсан намын гол алдаа талцал хуваагдал байсаар ирсэн. Энэ байдлаасаа бол одоо ч гэсэн өөрийн гэсэн байргүй явж байна. Миний хувьд Ардчилсан намд анхан шатнаас нь эхлээд ажилласан. Дөрвөн нэр дэвшигчээр намын шат шатны байгууллагад ажиллаж үзсэн нь гэвэл Ж.Баярмаа гишүүн бид хоёр л байх.
Тиймээс тодорхой зорилготойгоор намынхаа даргын сонгуульд нэрээ дэвшүүлж байна.
Нэг юм хэлэхэд, Ардчилсан нам 2016 онд даргаа бүх нийтээс сонгосон. Санаачлагч нь манай С.Эрдэнэболд байх. Тэр үед таван хүн нэр дэвшиж өрсөлдсөн. Дараа нь таван тийшээ харчихсан. Ж.Батзандан нам байгуулсан, Н.Алтанхуяг дарга бие даасан, Л.Гантөмөр даргыг дэвшүүлээгүй, Д.Эрдэнэбат гэдэг хүнийг улс төрийн тавцангаас бас дэвшүүлээгүй.
Ийм явдал дахиж битгий давтагдаасай. Ардчилсан намын сүүлийн дарга нар дандаа өөр, өөр дүрмээр сонгогдлоо. Тиймээс дүрмээ тодорхой болгох нь чухал” хэмээн ярилаа.
Хариуд нь ҮБХ-ноос гаргасан Ажлын хэсгийн гишүүн О.Баасанхүү “Л.Гантөмөр дарга гэнэтийн шалтгаанаар ажлаа өгсөн. Тиймээс энэ удаагийн намын даргын сонгууль бол ээлжит биш, нөхөн сонгууль шахуу юм. Тийм ч учраас бид одоо хүчин төгөлдөр үйлчилж байгаа Үндсэн дүрмийн хүрээнд зохион байгуулж байгаа юм” гэдэг тайлбарлыг өгсөн юм.
Ө.Шижир гишүүн өнөөдөр Дотоод сонгуулийн хороонд бүрдүүлбэрээ аваачиж өгсөн гурав дахь хүн болсон юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна