Ардчилсан намын ҮБХ Төрийн ордонд хураллаж байна. УИХ-ын гишүүн Н.Алтанхуяг энэ үеэр хэвлэлд байр сууриа илэрхийллээ.
Тэрбээр “ҮБХ уржигдар хуралдсан. Уржигдрын хурал их ажил хэрэгч болсон. Монголчууд 1993 онд Л_Түдэв, П.Очирбат нар Ерөнхийлөгчийн сонгуульд нэр дэвшихэд анх мэтгэлцээн гэдгийг анх үзэж байсан юм. Энэ мартагдсан зүйлийг сэргээсэн нь дэвшил болж байна.
Би нэг юм хэлье. 2024 оны УИХ-ын сонгууль гэдэг нэг талаараа Монгол Улсын Ерөнхий сайдын сонгууль.
Тэгээд би тэр үед “Манай намын дарга гэж хүн байна уу. Би гарвал ингэнэ, ийм юм хийнэ гээд ил гарчих хүн байна уу” гэж асууж байсан.
Ардчилсан намын дарга надад таалагдах албагүй. Ард түмний төлөө ажиллаж чаддаг. Хүмүүсийн эвийг олоод байж чаддаг, ардчиллын зарчим, үнэт зүйлдээ үнэнч байж чаддаг, шударгадуу хүн байхад болно.
Хийх хүн аргаа олдог. Хийхгүй хүн шалтаг олдог. НДШ, татварыг буулгах, ААН-ийг бууруулах зэрэг ажлыг хийж чадах хүн л хэрэгтэй.
Ардчилсан нам айлын хатавчинд байж болохгүй. Гэхдээ хүчтэй сөрө хүчин байна гээд хоосон шүүмжлээд байж бас болохгүй. Илүү дээр шийдлүүдийг гаргаж, хамтардаг байх хэрэгтэй. МАН бас ийм философиор хандах ёстой. Түүнээс биш “За эдний намыг жаахан сулхан байлгая” гэчихээд өөрсдөө дарангуйлаад байж болохгүй.
Тэгэхээр, шинээр АН-ын дарга болох хүн 2028 онд Ерөнхий сайд болно. Хамтрах, багаар ажиллах хэрэгтэй” гэсэн байр суурь илэрхийллээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.168.34.177
Nutgiin ah yamar ch baisan shader said boloh yum biz dee
Хариулах