Ардчилсан намын ҮБХ-ноос намын даргад дэмжигдсэн О.Цогтгэрэл сэтгүүлчдэд мэдээлэл өглөө.
Тэрбээр “Ардчилсан нам дараалсан, давхар ялалт байгуулах шаардлага байна. Дараалсан, давхар гэдэг нь УИХ-ын сонгуулиас галдна Ерөнхийлөгчийн, Орон нутгийн сонгуульд ялалт байгуулахыг хэлж байгаа юм. Ялж, ялагдахдаа ч биш, гол нь ингэж байж Монгол Улсад ардчилсан тогтолцоо буюу хувийн өмч, хүний эрх, цомхон төрийг дээдэлсэн тогтолцоо бэхжинэ. Тиймээс зорилго тодорхой байх ёстой. Үүний төлөө зүтгэхийг өөртөө болоод, хамт зүтгэх нөхдөдөө уриалж байгаа.
Г.Занданшатар Ерөнхий сайд Засгийн газартаа хамтрахыг уривал яах вэ гэдгээ би өчигдөр илэрхийлчихсэн. Хувь хүний хувьд дэмждэггүй. Гэхдээ нам гэдэг ганц дарга биш. Хамтын байгууллага хамтын шийдвэрээ гаргавал дарга дагах л болно.
Сүүлийн үед төсөв зургаа дахин нэмэгдсэн. Энэ төсвөөрөө дамжуулж ялдаг энэ тогтолцоог л эвдэх хэрэгтэй. Үүний тулд Ардчилсан намыг систем болгох, институци болгох нь миний гол зорилго. Үүний тулд Ардчилсан нам стратегичидтай болох ёстой.
Ардчилсан намд өөрөө өөрөө асуудлаа шийдэх эрх нь ирчихвэл энергитэй нам гэж боддог” хэмээн байр сууриа илэрхийллээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна