П.Сайнзориг: Манай нам мөнхийн хэрүүл тэмцэлтэй явахгүй байх

Намын шинэ даргаа томилох МАН-ын Бага хурал эхэллээ. Бид УИХ-ын гишүн П.Сайнзоригоос цаг үеийн асуудлаар тодрууллаа. 

Тэрбээр, "Өнөөдөр намын даргын асуудлаа шийдэх ёстой. Хэдийгээр энэ нь намын асуудал ч гэлээ цашдаа улс орны эрх ашиг яригдаж байгаа.

Одоо бол хоёр хүн л намын даргад өрсөлдөнө гэж ойлгож байгаа. Энэ нь энэхүү хуралд оролцож байгаа хүмүүст сонголт байна гэсэн үг. Нэг хүн нэр дэвшээд л бүгд гараа өргөөд явж болохгүй. Тиймээс зарчимч ил тод өрсөлдөөнтэй болоосой гэж хүсэж байна. 

Баримтгүй олон асуудал ярина гэдэг харамсалтай. Хувь хүмүүсийн хоорондын харилцаа МАН-ын гишүүдийн шийтгэл болж болохгүй.

Асуудал байдаг бол өгдөг газар нь өгөөд шалгуулах ёстой. Хуулийн байгууллагаар шийдэгдээд явах ёстой асуудлыг бид энд яриад байгаа нь харамсалтай л байна. 

Бид дүрмийн дагуу үйл ажиллагаагаа явуулж цэгцэрнэ шүү дээ. Мөнхийн хэрүүл тэмцэлтэй явахгүй байх. Өрсөлдөөн гарах энэ үйл явц дээр бие биенээ харлуулж явмааргүй л санагдаж байна. 

Хууль хяналтын байгууллагаар явдаг асуудлыг гудманд гаргаж ирээд намын дотор, дотоод асуудал болгож ирээд ордон дотор яриад байдгийг ерөөсөө ойлгодоггүй" гэлээ.