ХУУЛЬ: Ерөнхий сайдын бүрэн эрх, Засгийн газрын гишүүнийг томилж чөлөөлөх

Ерөнхий сайд Г.Занданшатар өнөөдөр мэдэгдэл хийж, бүрэн эрхийнхээ хүрээнд Б.Энхбаярыг Хуульзүйн сайдаар томилж байгаагаа зарласан билээ. Түүнийг мэдэгдэл хийсний дараа шууд олон нийтэд хандав уу, Ерөнхийлөгчтэй зөвшилцсөн үү, эсвэл өөрөө шийдэв үү гэх зэрэг асуултууд гарч ирсэн. Энэ талаарх хуулийн заалтуудыг хүргэж байна.

Монгол Улсын хууль

Засгийн газрын тухай

Ерөнхий сайдын бүрэн эрх

1/ Ерөнхийлөгчтэй зөвшилцсөний үндсэн дээр Засгийн газрын бүтцийн тухай, Засгийн газрын бүрэлдэхүүний тухай болон тэдгээрт өөрчлөлт оруулах тухай хуулийн төслийг Улсын Их Хуралд өргөн мэдүүлнэ. Монгол Улсын Үндсэн хуулийн Гучин есдүгээр зүйлийн 3 дахь хэсэгт заасан хугацаанд Ерөнхийлөгчтэй зөвшилцөж чадаагүй тохиолдолд Улсын Их Хуралд өөрөө өргөн мэдүүлнэ;

2/Засгийн газрын гишүүнийг Монгол Улсын Их Хурлын чуулганы хуралдааны дэгийн тухай хуулийн 101 дүгээр зүйл, Монгол Улсын Ерөнхийлөгчийн тухай тухай хуулийн 12 дугаар зүйлийн 4 дэх хэсэгт тус тус заасны дагуу Улсын Их Хурал, Ерөнхийлөгчид танилцуулсны үндсэн дээр томилж, чөлөөлж, огцруулна. Засгийн газрын гишүүнийг томилох, чөлөөлөх, огцруулахдаа захирамж гаргана;