БЗД-ийн Ардчилсан нам сонгуулийн хууль зөрчигдөж байгаа талаар мэдээлэл хийнэ

БЗД-ийн Ардчилсан намын сонгуулийн штабаас сонгуулийн сурталчилгааны зөрчлийн талаар мэдээлэхээр хэвлэлийн бага хурал зарлажээ.

Орон нутгийн сонгуулийн сурталчилгаа дуусахад хоёр хоног үлдээд байгаа бөгөөд Сонгуулийн хуулийн зөрчил кампанит ажлын сүүлээр эрс ихэсдэг юм. 

ЦЕГ-аас өнгөрсөн долоо хоногт хийсэн мэдээлэлдээ "Хуулийн байгууллагад өнгөрсөн сарын 13-наас энэ сарын 1-ний хооронд Орон нутгийн сонгуультай холбоотой гэмт хэрэг, зөрчлийн 144 гомдол, мэдээлэл иржээ. Эдгээрээс 116-г нь зөрчлийн шинжтэй гэж үзсэн байна. Улмаар 53 гомдлыг шийдвэрлэж, үлдсэн 63 гомдлыг шалгаж байгаа" талаар мэдээлсэн.  

Гэмт хэргийн шинжтэй 28 гомдлыг харъяаллаар нь ангилбал: 

• Ховд аймагт хоёр 
• Завхан аймагт нэг 
• Говь-Алтай аймагт гурав
• Булган аймагт хоёр
• Өвөрхангай аймагт гурав
• Өмнөговь аймагт нэг
• Говьсүмбэр аймагт гурав
• Дундговь, Сэлэнгэ, Дархан-Уул, Сүхбаатар, Дорнод аймгийн цагдаагийн газарт тус бүр нэг гомдол мэдээлэл бүртгэгдсэн.

Гэмт хэргийн шинжтэй 28 гомдлыг гаргасан субъектээр нь ангилбал, 

• МАН 11 
• АН 12
• Иргэд таван гомдол мэдээлэл гаргасан байна. 

Харин Зөрчлийн шинжтэй 116 гомдол мэдээллийн тухайд, 

• МАН 48
• АН 34
• ХҮН нам 5
• Ард түмний олонхын засаглал 5
• ИЗНН 4
• Иргэд 20 гомдол, мэдээлэл ирүүлсэн байсан юм.