Яг одоо УИХ-ын чуулганаар Санхүүгийн зохицуулах хорооны дарга, орон тооны бус гишүүн, Санхүүгийн зохицуулах хорооны Хяналтын зөвлөлийн дарга, гишүүн, Монголбанкны Мөнгөний бодлогын хорооны орон тооны бус гишүүн, Монголбанкны Хяналтын зөвлөлийн дарга, гишүүн, Үндэсний статистикийн хорооны зөвлөлийн гишүүний албан тушаалд нэр дэвшигчийн томилгооны асуудлыг хэлэлцэж байна.
Гишүүд асуулт, асууж, хариулт авах үед Х.Булгантуяа гишүүн "Санхүүгийн зохицуулах хорооны Хяналтын зөвлөлийн даргаар “Газар зохион байгуулагч” хүнийг тавих гээд байгааг ойлгохгүй байна. Гишүүнээр нэр дэвшүүлж оруулж ирсэн хүмүүс дотор чиг үүргээ хэрэгжүүлэх боломжтой мэргэжилтэй хүн нэг ч алга. Гишүүнд нэр дэвшсэн хүмүүс ч дандаа эдийн засагчид байна. Та нараар арай эдийн засгийн тооцоолол хийлгэхгүй байх. Монголбанкны хяналтын зөвлөлд нэр дэвшвэл дээр юм биш үү. Томилгоо хийхдээ хийх ажлынх нь чиг үүргийг анхаармаар байна" гэв.
Санхүүгийн зохицуулах хорооны даргад нэр дэвшигч Мягмарсүрэнгийн Буяндэлгэр нь газрын албанд олон жил ажилласан намтартай нэгэн юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна