Улс төрийн намын тухай хуулийн дагуу намууд энэ ондоо багтаан их хурлаа зохион байгуулах ёстой болоод байгаа билээ. Улмаар улс төрийн тэргүүлэх намууд болох МАН, АН-ын Их хурлууд ойрхон товлогдоод буй. Хурлаар аль, аль намууд даргаа шинээр сонгоно. Мөн Ерөнхий нарийн бичгийн даргын асуудал хөндөгдөх нь тодорхой юм.
Намын үйл ажиллагааг Ерөнхий нарийн бичгийн даргатай холбодог. Намын гал тогоог барьж байгаа гэдэг утгаараа намын үйл ажиллагаа, нэр хүнд Ерөнхий нарийн бичгийн даргатай холбоотой байдаг. Бид дээрх хоёр болон Парламентад суудалтай бусад намын ЕНБД нарын ажлыг МЕС судалгааны байгууллагаас гаргадаг улс төрийн барометрт үндэслэн танилцуулж эхэлж байна. Эрх баригч гэдгээр нь МАН-аас эхэлье.
МАН Ерөнхий нарийн бичгийн даргын үүрэг гүйцэтгэгч байсан Я.Содбаатарыг Бага хурлынхаа 2024 оны долдугаар сарын 05-ны шийдвэрээр жинхэлжээ.
Тухайн үед (MEC байгууллагын явуулсан судалгаагаар) хэдий МАН найман жил тасралтгүй төрийн эрх барьж байсан ч нэр хүндээрээ бусад намуудаас хавьгүй дээгүүр байв.
Харамсалтай нь, Я.Содбаатарыг жинхэлснээс хойш намын нэр хүнд тасралтгүй унажээ.
Улмаар өнгөрсөн долдугаар сард гарсан сүүлийн судалгаагаар түүхэн доод үзүүлэлтдээ хүрч, анх удаа АН-аас дор орсон байна /АН 4.0, МАН 3.7/.
Ялангуяа Л.Оюун-Эрдэнийн Засгийн газрыг огцруулах үйл явц эхэлсэн дөрөвдүгээр сараас эрчимтэй унаж, зургаа, долдугаар сард түүхэн доод үзүүлэлтдээ хүрсэн байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.190.130
Социал демократууд гэж бодсон чинь шимэгч коммунистууд болоод байхаар чинь нэр хүнд яаж өсөхөв дээ
Хариулах