АН-ын Үндэсний бодлогын хорооны өчигдөр /2025.08.28/ болсон хуралдаанаар Л.Гантөмөрийн намын даргаас чөлөөлөгдөх хүсэлтийг нь хүлээн авч, 15 хүний бүрэлдэхүүнтэй дотоод сонгуулийн хороо байгуулж, дараагийн даргаа сонгохоор болсон. АН-ын даргад өрсөлдөх хүмүүсийн материалыг өнөөдөр /2025.08.29/-ний 18:00 цаг хүртэл авах юм.
АН-ын даргад УИХ-ын гишүүн Ж.Баярмаа, О.Цогтгэрэл, Б.Пүрэвдорж нар өрсөлдөнө гэдгээ илэрхийлсэн байгаа юм. Тэгвэл 80 оны намын залуусаа төлөөлж УИХ-ын гишүүн Ө.Шижир АН-ын даргад өрсөлдөхөөр болжээ. Тэрээр 2007 оноос хойш өнөөдрийг хүртэл нийт 18 жилийн хугацаанд АН-д хүчин зүтгэсэн бөгөөд намын бүх түвшинд ажиллаж байсан. Тухайлбал, Ерөнхийлөгчийн Тамгын газрын дарга, АН-ын тэргүүн дэд дарга, Ардчилсан залуучуудын холбооны дэд ерөнхийлөгч зэрэг удирдлагын түвшинд ажиллаж байсан туршлагатай нэгэн юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна