Ардчилсан намын даргад нэр дэвшин өрсөлдөх О.Цогтгэрэл нэр дэвшичгийн материалаа Дотоод сонгуулийн хороонд өгөх үедээ мэдээлэл хийлээ.
Тэрбээр “Ядуурал, ажилгүйдлийн цаана ардчилсан засаглал хүчгүйдэж байна. Энэ байдлаас хэн гаргаж чадах юм бэ. Ардчилсан нам л гаргаж чадна. Манай нам өмнө нь ялагдаж байсны шалтгаан нь лидерүүд, боловсон хүчин байсан ч систем болж чадаагүйтэй холбоотой. Ялсан шиг ялж, засагласан шиг засаглах шаардлага Ардчилсан намд байна. Ардчилсан нам элдэв зүйлс угсарсан машин шиг болсон. Том жижиг дугуйтай, барууны мотор, социализмын үеийн кабинтай. Одоо цэгцэлж хурдаа авах хэрэгтэй” гэлээ.
Мэдээллийн дараа түүнээс сэтгүүлчид Ерөнхийлөгчтэй уулзахдаа юуны талаар ярьсныг асуухад “Би Ерөнхийлөгчтэй уулзаагүй, Увс аймгийн ойд очиход нь таарсан” гэв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна