Ардчилсан намын даргад нэр дэвшин өрсөлдөх УИХ-ын гишүүн Б.Отгонбат нэр дэвшигчийн материалаа Дотоод сонгуулийн хороонд өглөө.
Тэрбээр “Би 2008 онд Дорнод аймгаас УИХ-д нэр дэвшиж өрсөлдсөнөөр Ардчилсан намтай амьдралаа холбосон. Түүнээс хойш Үндэсний бодлогын хорооны гишүүнээр 18 жил ажиллаж ирлээ. Сүүлийн хоёр жилд АНУ-ын Пенсильванийн их сургуульд доктор хамгаалаад завгүй байсан. Тэнд сурсан мэдсэнээ одоо Ардчилсан намд хэрэгжүүлж, бодлогын нам болгомоор байна. Ардчилсан нам зүгээр толгойдоо орсныг гоё ярьдаг нам баймааргүй байна.
Өнөөдөр бизнест төрийн дарамт их байна. Залуус гадагшаа их явж байна. Яагаад гэвэл Монголдоо үлдээд сайхан амьдарна гэдэг итгэл тэдэнд алга. Гэхдээ энэ байдлаас гарах ажлыг Ардчилсан нам хийж чадна. Тиймээс “Албан тушаалын төлөө биш, ажил хийе гэж АН-ын даргад нэрээ дэвшүүллээ” гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна