Ч.Лодойсамбуу: Иргэд өдөр бүрийн дуулианы араас явсаар хууль бус шийдвэрүүдийг анзаарахгүй байна

Энэ он гарсанаас эхлэн хэрэгжин эхлэх хуулиуд хүний эрхийг зөрчиж болзошгүй асуудлуудаар ҮХЦ-д хандаж байна. Хүүхдийн мөнгө, хүн амны орлогын албан татварын тухай хууль хэрэгжихдээ хүний эрхийг зөрчиж болзошгүй нөхцөл үүссэн талаар нэвтрүүлгээ хийсэн. Сүүлийн үед долоо хоногтоо хоёр хулгайн хэргийг Засгийн газар ил гаргаж ирдэг хамгийн том шүүх болоод хувирчихсан. Хуульгүй нийгэм бий болох нь ҮАБ-д аюул үүсэх нөхцөл үүсэж байгаа юм. Өдөр өдрийн сенсацийн араар болж буй хуульгүй олон шийдвэрүүдийг анзаарахгүй байна. УИХ Үндсэн хуулиа зөрчөөд байвал нэмэлт өөрчлөлт хийгээд ч нэмэргүй.

Улсын үндэс суурь нь Үндсэн хууль боловч хэрэгждэггүй. УИХ хуулиа зөрчөөд байвал ард иргэд хуулиа хэрэгжүүлэх боломжгүй болж байна. Үндсэн хууль бат бөх байхыг хангах ёстой УИХ, Засгийн газар нь хангаж чадахгүй байна. 

ҮХЦ-д дараах асуудлаар хандаж байна

1. Нийгмийн халамжийн тухай хуульд нэмэлт өөрчлөлт оруулснаар орлогын хэмжээнд нь хамаарч хүүхдийн мөнгийг ялгаж өгөхөөр болсон. Хүүхэд бол хүүхэд. Хүнийг ажил төрөл, гар үүслээр ялгахгүй гэж заасан шүү дээ.
2. Татварын хуулиар 10 гаруй байгууллага иргэдийн мэдээллийг харах боломжтой болсон. Ямар ч шүүхгүйгээр хүний мэдээлэлд халддаг боломж бүрдэж байна.
3. Орлогын хэмжээнээс хамаарч татвар ногдуулах бас нэг заалт нэмэгдсэн нь ялгаварлан гадуурхаж буй хэлбэр.

ҮХЦ-ийн дээр хөх тэнгэр байгаа гэдэг. Өөр ямар нэг зүйл байгаа бол ил гаргаж хэлээч ээ. Бид ямар нэг шаардлага хүргүүлээгүй. Өргөдөл гаргаж ҮХЦ-ээс гуйж байна.