Төрдөө гадуурхагдсан ӨНДӨР ОРЛОГОТОЙ хүүхдүүд

Шинэ он гарснаар нийт хүүхдүүдийн 91 хувьд нь хүүхдийн мөнгө болох 100 мянган төгрөгийг олгохоор болсон. Үлдсэн есөн хувийг өндөр орлоготой айлын хүүхэд хэмээн хасах талаар албаны хүмүүс мэдээлж байсан. 

Гэвч өчигдөр иргэд цахим бүртгэлээс хүүхэд нь мөнгө авах эсэхийг шалгаж үзэхэд дийлэнх хувь нь өндөр орлоготой хэмээн хасагдсан байна. 

Үр хүүхдүүдийг нь эцэг эхээр нь, амьдралын байдлаар нь хүүхдийн мөнгөнөөс ялгаварлан гадуурхсанд иргэд гомдолтой байгаа талаар ярьж байна. 

ИРГЭД: 

• Зааа, миний хүү хүүхдийн мөнгөнөөс хасагджээ… Үнэндээ дургүй хүрээд байна!!!
  Би төрөөс халамж хүсэлгүй мөрөөрөө ажиллаж харин ч хүүдээ гаргах цагаа хумслан байж олдог орлогоосоо төрд өгдөг!!! Би төрд 100,000₮-ийг хэд дахин нугалсан хэмжээний татварыг сар бүр бараг зүв зүгээр өгдөг. Иймд төрд өгч байгаа миний мөнгөнөөс миний хүү 100,000₮-ийг хүртэх бүрэн эрхтэй гэж бодож байна!!! Би сар бүр цалингаасаа суутгаж байгаа татвараас буцаад олигтой эрүүл мэндийн болоод боловсролын дэмжлэг гээд ер нь ямар ч хариу үйлдэл төрөөс хүртэж байгаагүй!!! Харин хүүгээс минь хулгайлаад байгаа энэ удаагийн үйлдлийг бол тэвчихгүй!!!

•   Хүүхдийн мөнгө авахгүйдээ биш, бүртгэл буруу байгаад уур хүрээд, улсынхаа өмнөөс ичээд байх юм. EMongolia бүртгэлээр 9 ам бүлтэй, 5 хүүхэдтэй, 4 үл хөдлөхтэй, 9%д багтсан байна. Бүгд зөрүүтэй!!!!!! гэснээс энэ одоо юун бантан бэ!!!!!!!!! Ийм ичгэвтэр улсын бүртгэл гэж байдымуу? Яаж бүртгээд байгаан бээ Хүүхдийн мөнгөнөөс болж улсынхаа шившигийн гамшгийн бүртгэлийг илчилж байгаа юм уу!!!!!! Арай ч дээ нээрээ

Хүүхдийн мөнгийг олгохдоо улсын цахим бүртгэлээс нэгтгэн харж өрхийн орлогын түвшнийг тодорхойлж байгаа нь хамгийн том асуудал болж байгааг иргэд хэлж байна. Ихэнх иргэдийн хүүхдүүд нь тодорхой бус, буруу мэдээллээс болж хасагдсан талаар ярьж байгаа юм. 

Тэгвэл цахим үндэстэнд шилжиж байгаа манай улсын цахим бүртгэл ямар хэмжээнд байгааг харуулах шиг болж байна.