ҮХНӨ: Улс, улсын Парламентын гишүүд, хүн амын тоо

Монгол Улс Үндсэн хуульдаа нэмэлт өөрчлөлт оруулж, Парламентын гишүүдийнхээ тоог хоёр дахин нэмэх асуудал яригдаж буй энэ үед улс орнуудын хүн ам, Парламентын гишүүдийн харьцааны талаар статистик мэдээлэл бэлтгэн хүргэж байна.

Дэлхий дээр 46,552 /НҮБ, The Global Parliamentary report/ Парламентын гишүүн байдаг бөгөөд улсын тоонд дунджилбал нэг улсад 245 ногдоно. Парламентын гишүүдийг хүн амд харьцуулбал, дэлхийн дунджаар нэг гишүүн 171, 850 хүн төлөөлж суудаг байна.

Хамгийн өргөн бүрэлдэхүүнтэй нь 3000 орчим төлөөлөгчтэй БНХАУ бол Микронези, Сент Киттс ба Невисийн Парламент хамгийн цомхон, 14 гишүүнтэй. Нийт 46,552 гишүүний 8716 буюу 19.25 хувь нь эмэгтэй.

Дэлхийн хэмжээнд Парламентын гишүүдийн дундаж нас 53 байна. Харин эмэгтэй гишүүдийн дундаж нас арай залуу, 50 ажээ. Хамгийн залуу Парламентын гишүүдтэй бүс нутаг нь Африкийн Сахар орчим /Дундаж нас 49/ бол хамгийн ахмад парламентчидтай нь Арабын улсууд /55/ байна.

АНУ-ын Парламент хамгийн их төсөвтэй, жилд 5.12 тэрбум ам.доллар зардаг бол Сент Винсент Гренадиных 1.8 сая ам.доллар зарцуулдаг нь хамгийн бага аж. 

Парламентын суудлын тоо, нэг суудалд ногдох хүн ам

Нэг гишүүн хамгийн олон хүн ам төлөөлдөг улсууд /Парламентын гишүүдийн тоо, нэг гишүүнд ногдох хүн амын тоо/

Энэтхэг 788 /Дээд 245, Доод 543/, 1,568,965

Европын холбоо 732 /Евро парламент 705, Европын холбооны зөвлөл 27/, 657, 371

Бангладеш 300, 554,269

БНХАУ 2977,  455,359

Индонези 711 /Доод 575, Дээд 136/, 381,726

Бразил 594 /Доод 513, Дээд 81/ 353,783

ОХУ 620 /Доод 450, Дээд 170/, 235,760

Англи 1428 /Дээд 778, Доод 650/, 44,637

Нэг гишүүн хамгийн цөөн хүн ам төлөөлдөг улсууд /Парламентын гишүүдийн тоо, нэг гишүүнд ногдох хүн амын тоо/

Өмнөд Судан 332, 30,269

Болгар 240, 28,853

Швед 349, 27,862

Ирланд 220 /Доод 160, Дээд 60/, 22,444

Габон 222 /Доод 120, Дээд 102/, 7,534

Конго 221 /Доод 139, Дээд 72/, 22,097

Финланд 200, 26,344

Экваторын Гвиней 170 /Доод 100, Дээд 70/, 4,249

Лесото 153 /Доод 120, Дээд 33/, 12,693

Оман /Доод 74, Дээд 81/, 20,773

Литва 141, 20,199

Словен 130 /Доод 90, Дээд 40/, 15,295

Норвеги 169, 30,460

ҮХНӨ оруулах хуулийн төсөл анх боловсруулагдсанаараа батлагдвал Монгол Улс Парламентын 152 гишүүнтэй болж, нэг гишүүний төлөөлөх хүн амын тоо 20,000 орчим болж буух юм.