МҮОНРТ-ийн захирал А.Бүрэнбаатар ХОМ-ээ худал мэдүүлжээ

2022 оны гуравдугаар сарын 14-нд МҮОНРТ-ийн Ерөнхий захирал А.Бүрэнбаатарыг АТГ-аас дуудаж,  авлига албан тушаалын хэрэгт холбогдуулан шалгасан. 

Тэгвэл түүний АТГ-т гаргаж өгсөн Хөрөнгө орлогын мэдүүлгийг шалгаж дуусчээ. Хяналт шалгалтын хүрээнд дараах зөрчлүүд илэрчээ. 

1. Монголын Үндэсний Олон Нийтийн Радио Телевизийн Үндэсний зөвлөлийн 2021 оны 03 дугаар сарын 05-ны өдрийн 18 дугаар тогтоолоор А.Бүрэнбаатарыг Ерөнхий захирлын албан тушаалд томилохдоо түүний Хувийн ашиг сонирхлын урьдчилсан мэдүүлгийг хянуулаагүй нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 23 дугаар зүйлийн 23.5 дахь хэсэгт “Нийтийн албанд томилогдохоор нэр дэвшсэн этгээдийн хувийн ашиг сонирхлын урьдчилсан мэдүүлгийг томилох эрх бүхий байгууллага, албан тушаалтан хүлээн авч Авлигатай тэмцэх газарт хүргүүлнэ" гэж заасныг,

2. Уг албан тушаалд томилогдсоноос хойш Хувийн ашиг сонирхлын мэдүүлэг болон хөрөнгө, орлогын мэдүүлгээ хугацаа хожимдуулж мэдүүлсэн нь Авлигын эсрэг хуулийн 10 дугаар зүйлийн 10.3 дахь хэсэгт “Мэдүүлэг гаргагч хөрөнгө, орлогын мэдүүлгээ тухайн албан тушаалд томилогдсон буюу сонгогдсон өдрөөс хойш 30 хоногийн дотор, цаашид тухайн алба хааж байгаа хугацаандаа жил бүрийн 02 дугаар сарын 15-ны дотор шинэчлэн гаргаж энэ хуулийн 11 дүгээр зүйлд заасан байгууллага, албан тушаалтанд өгөх үүрэгтэй” гэж заасныг,

3. Мэдүүлэг гаргагч нь "Тэнүүн марал" ХХК, “Такай дайсэй” ХХК-ийн гүйцэтгэх захирлаар тус тус бүртгэлтэй байгаа нь Нийтийн албанд нийтийн болон хувийн ашиг сонирхлыг зохицуулах ашиг сонирхлын зөрчлөөс урьдчилан сэргийлэх тухай хуулийн хуулийн 20 дугаар зүйлийн 20.1 дэх хэсэгт “Хуульд өөрөөр заагаагүй бол албан тушаалтан энэ хуулийн 18.6-д зааснаас бусад аж ахуйн үйл ажиллагаа гардан эрхлэх болон аж ахуйн нэгжийн удирдах бүтцэд ажиллахыг хориглоно." гэж заасныг,

4. Мөн мэдүүлэг гаргагч нь гэр бүлийн гишүүний дундын өмчлөлийн янгол дүүргийн 18 дугаар хорооны нутаг дэвсгэрт байрлах орон сууцыг шин 5 шэн сууц, барилга байгууламж” хэсэгт, адуу борлуулсан орлогыг wore ийн “Орлого” хэсэгт, өөрийн үүсгэн байгуулж хөрөнгө оруулсан "Экотэнцэл” -ийг мэдүүлгийн “Компани, нөхөрлөл, хоршоонд оруулсан хөрөнгө оруулалт” хэсэгт тус тус мэдүүлээгүй мөн өөрийн болон гэр бүлийн гишүүдийн арилжааны банкинд эзэмшиж буй хадгаламж харилцах  дансуудын үлдэгдлийг мэдүүлгийн "Хадгаламж бэлэн мөнгө хувийн харилцах болон төлбөрийн данс картын үлдэгдэл" хэсэгт зөрүүтэй буюу худал мэдүүлсэн нь Авлигын зсрэг хуулийн 10 дугаар зүйлийн 10.2 дахь хэсэгт  “Мэдүүлэг гаргагч нь өөрийн болон гэр бүлийн зээлийг үнэн зөв мэдүүлэх үүрэгтэй” гэж заасныг тус тус зөрчсөн байна.

Илэрсэн зөрчлүүд нь бүртгэл, хяналтын байгууллагаас ирүүлсэн мэдээлэл, лавлагаа, мэдүүлэг гаргагчийн гаргасан тайлбар болон бичгийн бусад нотлох баримтуудаар тогтоогдож байх тул А. Бүрэнбаатарт Авлигын эсрэг хуулийн 13 дугаар зүйлийн 13.8.3-т заасан хариуцлага ногдуулах үндэслэлтэй байна. 

Хариуцлага ногдуулахдаа Захиргааны ерөнхий хуульд заасан журмыг чанд баримтлан, Авлигын эсрэг хуулийн 6 дугаар зүйлийн 6.6-д заасны дагуу авсан арга хэмжээний талаарх хариуг 2022 оны 12 дугаар сарын 28-ны дотор ирүүлнэ үү.

Хүний хувийн мэдээлэл хамгаалах тухай хуулийн 4 дүгээр зүйлийн 4 1:11-д заасны дагуу хөрөнгийн мэдээлэл нь хүний хувийн мэдээлэлд хамаарах тул мэдүүлэг гаргагчид хариуцлага ногдуулахдаа шаардлагатай гэж үзвэл тус газраас хийсэн хяналт шалгалтын баримттай зохих журмын дагуу танилцах боломжтой.

Цаашид салбарын хэмжээнд дээрх төрлийн зөрчлийг давтан гаргахгүй байх чиглэлээр Авлигын эсрэг хуулийн 6 дугаар зүйл, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 7 дугаар зүйлд заасан үүргийг хэрэгжүүлэн ажиллах нь зүйтэй" гэж үзжээ.