ТАНИЛЦ: УИХ-ын дэд даргаар сонгогдох Л.Мөнхбаатар гэж хэн бэ

Өнөөдөр МАН-ын УЗ хуралдаж, УИХ-ын дэд дарга болон зарим сайд нарын томилгоотой холбоотой асуудлыг хэлэлцлээ. Энэ үеэр УИХ-ын гишүүн, ХЗБХ-ны дарга Л.Мөнхбаатарыг УИХ-ын дэд даргад дэмжсэн байна. 

Түүний ажилласан байдал, төгссөн сургуулийн талаарх мэдээллийг хүргэе. 

ТӨГССӨН СУРГУУЛЬ, МЭРГЭЖИЛ

1995 онд Хөвсгөл аймгийн Цэцэрлэг сумын 10 жилийн сургууль

1999 онд Монгол Улсын их сургууль Хууль зүйн дээд сургууль, эрх зүйч, бакалавр

2008 онд Отгонтэнгэр их сургууль, хууль зүйн ухааны магистр

2012 оноос Монгол улсын их сургуулийн Төгсөлтийн дараахь сургууль, Хууль зүйн ухааны докторант

АЖИЛЛАСАН БАЙДАЛ

1999-2000 онд Хууль зүйн яамны Эрх зүйн шинэтгэлийн стратегийн нэгдсэн төлөвлөлтийн газарт мэргэжилтэн

2000-2006 онд Хууль зүй, дотоод хэргийн яамны Гэмт хэргээс урьдчилан сэргийлэх зөвлөлийн мэргэжилтэн, ахлах мэргэжилтэн

2006-2008 онд Хууль зүй, дотоод хэргийн яамны Мэдээлэл, хяналт-шинжилгээ, үнэлгээний газрын дарга

2008-2009 онд Засгийн газрын хэрэгжүүлэгч агентлаг, Иргэний бүртгэл, мэдээллийн улсын төвийн дарга, улсын ерөнхий байцаагч

2009-2011 онд Засгийн газрын хэрэгжүүлэгч агентлаг, Улсын бүртгэлийн ерөнхий газрын дарга, улсын ерөнхий бүртгэгч

2012 онд Монгол Улсын Ерөнхий сайдын зөвлөх

2013 онд Монгол Ардын Намын даргын зөвлөх

2014-2016 онд“Хөвсгөл хөгжил” сангийн тэргүүн

2016 оноос Монгол Улсын Их Хурлын гишүүн

ШАГНАЛ

2008 онд Хууль зүйн албаны тэргүүний ажилтан цол тэмдэг

2009 онд Цэргийн хүндэт медаль

2011 онд Цэргийн гавьяаны одон