Манай улсын аврагчид хоёр хүүхэд, нэг том хүний амийг аварчээ

Манай улсын аврах баг өчигдөр орон нутгийн цагаар 10:00 цагт Туркт газардсан. 

Тэд Хатая мужид ажиллаж байгаа ба хоёр хүүхэд, нэг том хүнийг эсэн мэнд аварч, эмнэлгийн анхан шатны тусламж үзүүлэн, дараагийн шатны эмнэлгийн байгууллагад хүлээлгэн өгсөн байна. Энэ тухай Гадаад харилцааны сайд Б.Батцэцэг өөрийн твиттер хуудаснаа нийтэлжээ.

Аврах багийнхан очсон даруйдаа нурсан барилгад эрэн хайх, аврах ажиллагааг зохион байгуулж, нийт гурван хүн (хоёр хүүхэд, нэг том хүн)-ийг эсэн мэнд олж, анхан шатны тусламж үзүүлэн, эмнэлгийн байгууллагад хүлээлгэн өгсөн байна.

Тодруулбал, Анкарагийн цагаар:  

• 20:10 цагт хоёр настай нэг хүүхэд,
• 21:20 цагт нэг эмэгтэй
• 22:33 цагт 15 настай хүүг тус тус орон сууцны нурангиас эсэн сэнд гаргасан байна.