Ц.Бат инженер ИНЕГ-ын тэтгэлгээр өөрийн хоёр хүү, нагац дүү Б.Идэр-Од нарыг сургажээ

Т.Отгонсувд
2023/05/29

ИНЕГ-аас олгож ирсэн 100 тэрбумын тэтгэлгийн талаарх мэдээллийг манай сайт мэдээлж байгаа билээ.

Монголын шилдэг охид хөвгүүдийг хайж олж, нисэхийн салбарын боловсон хүчин болгож бэлтгэх ёстой тэтгэлгийг ИНЕГ-ын үе, үеийн дарга нар үр хүүхэд, улс төрд нөлөө бүхий этгээдүүдтэй хамаарал бүхий хүмүүст олгодог байсан нь ил болж, олон нийтийн анхаарлыг татаад байгаа. Уг тэтгэлэг олон нийтэд нээлттэй бусаар олгогддог байсныг нийтээрээ "Шударга бус явдал" хэмээн хүлээн зөвшөөрч буй. 

ЗТХ-ийн сайд С.Бямбацогт ч үүнтэй санал нэгдэж, ИНЕГ-ын олгодог тэтгэлэг нь дарга нарын хамаарал бүхий хүүхдэд олгодог байсан асуудлыг зогсоож, ардын хүүхэд нисгэгч болох боломжийг бүрдүүлж, нээлттэй болгоно гэж мэдээлсэн.

Тэгвэл олон нийтэд “Бат инженер” хочоороо алдаршсан, шударга үнэний дуу хоолой гэгдэн хүндлэгддэг Ц.Бат нь уг тэтгэлгийн өгөөжийг гэр бүлээрээ хүртээд авсан нэгэн аж. 

ИНЕГ-ын НААХЗА-нд ажилладаг байсан тэрбээр мэдээлэлд ойр байдлаа ашиглан өөрийн хоёр хүү мөн нагац дүүгээ ИНЕГ-ын тэтгэлгээр гадаад улсад сургажээ. Өөрөө мөн Канадад суралцсан байна.

Тодруулбал, Хүү Б.Зориг нь 2013-2016 онд АНУ, Канзасын их сургуульд Агаарын зайн инженерээр сурч төгсжээ. Дараагийн хүү Б.Мөрөн 2014-2018 онд АНУ-д Агаарын зайн инженерээр сурч төгсжээ.

IHC койны үүсгэн байгуулагчдын нэг, комедиан Б.Идэр-Од ИНЕГ-аас дэмжлэг авч сурсанд ч түүний нөлөө орсон байх магадлал бий. Б.Идэр-Одын ээж зохиолч Цэдэвдамбын Оюунгэрэл нь Ц.Батын төрсөн эгч юм. Б.Идэр-Одын аав Бат-Эрдэнэ нисгэгч хүн байсан бөгөөд хүүгээ хэдхэн сартай байхад нь ослоор өөд болсон гэдэг. Энэ өнцгөөс харвал Б.Идэр-Од тэтгэлэгт хамрагдсаныг буруутгах юмгүй. Гэхдээ тэрбээр салбартаа ажиллаагүй байдаг.

Б.Идэр-Од нь 2006-2010 онд АНУ-ын Канзасын их сургуульд Нисэхийн инженерээр сурсан байдаг. Гэрээнд заасан дагуу бол суралцаж ирээд таван жилийн хугацаанд ажиллах үүрэгтэй хэдий ч Б.Идэр-Од суралцаж ирснээсээ хойш ИНЕГ-т ажиллаж байгаагүй ба одоо гадаад улсад амьдарч буй.

"Бат инженер" Ц.Батын үр хүүхэд нисгэгч болохыг хүсээд, ном журмаар тэтгэлэгт хамрагдсаныг үгүйсгэхгүй. Гэхдээ нэг хүн өөрөө сураад, хамаарал бүхий гурван хүнээ тэтгэлэгт хамруулсан нь анхаарал татах баримт яах аргагүй мөн. 

Түүнээс гадна Б.Идэр-Од салбартаа ажиллаагүй, хүү Батын Зориг нь Канзасын их сургуульд Агаарын зайн инженер мэргэжлээр суралцсан атлаа таван жил ажиллалгүйгээр барьцаа хөрөнгөө суллуулжээ. 



Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 192.82.71.144
    2023/06/02

    Шудрага царайлсан шуламнууд их бн аа. Ард түмэн минь ялгаж л таниарай даа.

    Хариулах
  • 66.181.161.134
    2023/05/31

    Батад сизо, ээрүү, галзуу гээд муу бүхэн бий. Өөрөө болон хүүхдүүд, хамаатнаа тэтгэлэгээр явуулсан нь юу л бол. Оюунгэрэл гишүүн бхдаа л шахаа болов уу

    Хариулах
  • 192.82.68.232
    2023/05/30

    Идрээг янз бүрээр цоллуулаад бгаа ээж нь ядаж зээл хуулиас нь төлөөсэй зугтаалгахаа л сэтгэсэн тэнэг ээж вэ юун эм ерөнхийлөгч вэ бас ан намыг сүнсчгүй болгоод бншдээ

    Хариулах
  • 213.87.148.41
    2023/05/30

    Хамгийн сайн тавтай морилно уу секс болзоо сайт - - - www.Top24.pw

    Хариулах
  • 202.9.40.169
    2023/05/29

    ИНЕГ-- гэж авилгал, хулгай нүүрэлчихсээ газар юмдаа. Эргэж хүүтэй нь хамт төлүүл. Хүмүүсийн боломжийг хулгайлна гэдэг юугаарч төлж барагдахгүй хулгай юм шүү. Цаг хугацаа орон зой хэзээч нөхөж чадахгүй. ЗЭЭЛЭЭ ТӨЛЦГӨӨ !!!! Хулгайчаа@!!!

    Хариулах
  • 103.254.123.163
    2023/05/29

    Зөв л хүнээ сургаж

    Хариулах