"Тайчих-клуб нэрийн дор охид биеэ үнэлж байна, Хотын дарга аа"

2019 оны 11 сарын 19

Багшийн дээд, саппоро зэрэг хэд хэдэн газар биеэ үнэлэгчид “сүрэглэж”, үүнийг нь дагасан хууль бус үйлдлүүд “гаарч” байгаа талаар хэдэн жил шуугиж, хуулийн хяналтын байгууллага шат дараатай арга хэмжээ авсны хүчинд намжсан. 

Гэтэл энэ нь далд хэлбэрт шилжиж, тайчих клубын бүжигчид гэх нэрийдлээр охид биеэ үнэлж байгаа талаар иргэдээс ирсэн мэдээллийн дагуу  Сүхбаатар дүүргийн V хороо, Голомт хотхоны Б2 давхарт үйл ажиллагаа явуулдаг “Jewel” нэртэй тайчих клубээс бид дараах сурвалжлагыг бэлдсэн юм.

Шөнийн 01.15 цаг

Манай сурвалжлах баг /бид өөрсдийгөө хэвлэл мэдээллийн салбарынхан гэдгийг илчлээгүй болно/ тус бааранд очиход гаднах хаалга нь түгжээтэй байсан ч бидэнтэй зэрэгцэн үйлчлүүлэхээр ирсэн залуус /ихэнх нь гадаадын иргэд бололтой/ утсаар ярихад дотроос нь хамгаалагч хаалгаа онгойлгож биднийг оруулав.

Тэрбээр такс нь нэг хүний 20.000 төгрөг хэмээгээд тооцоон дээр чинь нэмнэ гэдгийг сануулсан юм.

“Нүцгэн охидын задгай ертөнцөд тавтай морил”

Унжсан хөшгүүдээр тусгаарлагдсан ширээнд суух хөлчүү залуус, тэдний өвөр дээр “мордсон” нүцгэн охид, архи тамхины эхүүн үнэр ханхалсан дуу чимээтэй, бүдэг гэрэлтэй, бүүдгэр орчинд бид орж явчихлаа.

Зөөгчийн заасан ширээнд суух зуур зөвхөн “ичимдэг” эрхтэнээ халхалсан нүцгэн шахуу охид хажуугаар маягтай нь аргагүй алхалдах нь анх орж байгаа хүнд их л содон сонин санагдах аж.

Удалгүй бидний захиалсан уух зүйлс ирэхтэй зэрэгцэн зөөгч бэлэн мөнгөтэй эсэхийг биднээс лавлав. Ямар учиртайг нь тодруулахад “Та нар дээр ирж бүжиглэх охидод өгөх мөнгө хэрэг болно” гэв.

Үргэлжлүүлэн түүнээс бид охидын биед хүрч болох эсэх, үнэ ханшийн мэдээлэл сонирхоход “Охидын биед хүрч болно, гэхдээ хэтрүүлж болохгүй. Нэг удаа бүжиглэхэд 10.000 төгрөгөөс дээш төлнө, мөн таалагдсан бүжигчнээ бидэнд хэлээд ширээндээ хамт сууж болно, үнэ нь 30.000 төгрөг. Түүнчлэн тусгай бэлдсэн өрөөнд танд үйлчилж болно. Төлбөр нь 60.000 төгрөг” гэсэн юм.

“Охид нэг шөнө 150.000-250.000 төгрөг олдог”

Үүнээс тав орчим минутын дараа торон улаан дотуур хувцастай 20 орчим насны охин ирж, бидэнд бүжиглэж өгөх санал тавьж, ажлаа эхлэв. Өвөр дээр нь нүцгэн шахуу эмэгтэй "сексийн" гэмээр хөдөлгөөнөөр бүжиглэж эхлэхэд сандарсан бид түүнийг хамт суугаад ярилцаж болох эсэхийг лавлахад бүсгүй зөвшөөрснөөр яриа эхэлсэн юм.

Охид жинхэнэ нэрээ үйлчлүүлэгчиддээ хэлдэггүй бөгөөд бүгд “ажлын” нууц нэртэй байдаг аж. Түүнийг Т гэх бөгөөд тус бааранд жил орчим ажиллаж байгаа гэнэ. Өмнө нь энэ төрлийн үйл ажиллагаа явуулдаг хэд хэдэн газарт бүжигчнээр ажиллаж байсан туршлагатай хэмээн өөрийгөө танилцуулав.

Т оюутан бөгөөд ар гэрээсээ хол ганцаараа амьдардаг учир түрээсийн байр, сургалтын төлбөр, хэрэглээний мөнгөө олохын тулд энэ ажлыг хийж байгаа аж. Түүний хэлсэнээр хичээлийнхээ хажуугаар хийсэн ажлуудаас “бүжиглэх” нь ахиухан мөнгө олох боломжийг бүрдүүлдэг гэнэ. Тухайлбал, охид ширээнд хагас цаг орчим суусан тохиолдолд  30.000 төгрөгийн төлбөртэй байх агаад үүний талыг нь охид авдаг гэнэ. Охид зөвхөн вино уух бөгөөд /100 грамм нь 15.000 төгрөгний үнэтэй/ 5000 төгрөгийг нь өөрийн орлого болгон авдаг аж. Мөн ширээн дээр болон тусгай үйлчилгээ буюу бүтэн нүцэглэж бүжиглээд олсон мөнгөө өөрсдийн орлого болгон авдаг юм байна.

Үйлчлүүлэгчдийн дийлэнх нь өвөр дээр нь нүцгэн бүжих охидод хамт шөнийг өнгөрөөх санал тавих бөгөөд үнэ тохирч чадвал хувиараа явах тохиолдол бий гэж бидэнд тайлбарлав. Түүний хэлснээр охид нэг шөнө бусдад бүжиглэж үйлчилсэнээр дунджаар 150.000-250.000 төгрөг олдог гэнэ.

 

Эх сурвалжийн мэдээллээр тус тайчих клуб сүүлийн нэг жилийн хугацаанд хууль бус үйл ажиллагаа явуулж байгаа аж. Тодруулбал, тайчих клубуудад холбогдох зохицуулсан хуулиар бүжигчид үйлчлүүлэгчээс 5 метрийн зайд бэлдсэн тайзан дээр  үзүүлбэрээ үзүүлэх, үйлчлүүлэгчтэй хувийн харилцаа тогтоохгүй байх ёстой юм байна.

Гэвч тус клубт ажилладаг охид тусгай үйлчилгээ гэх нэрийдлээр вип өрөөгөөр үйлчлүүлж буй эрчүүдийн өмнө дээр дурдсанчлан тариф тогтоон бүтэн нүцгэлэх, биеэрээ хүрэлцэх, өвөр дээр нь сууж бохир бүжиг хийх, улмаар  тохиролцож биеэ үнэлж байгаад, тэднийг энэ зам руу түлхэж байгаа эздэд нь хэн хяналт тавьж, хариуцлага тооцох ёстой вэ?

Хуулийг “нулимж” буй газруудын ард төрийн “томчууд” байдаг уу?

Нийтийн орон сууцны өргөтгөл, доод давхаруудад үйл ажиллагаа явуулж буй үйлчилгээний газрууд шөнийн 00.00 цагаас хойш ажиллахыг хуулиар хориглосон Нийслэлийн Засаг даргын захирамж бий.

 Гэвч тус газар сүүлийн жил гаруйн хугацаанд 04.00-05.00 цаг хүртэл буюу үүр цайтал тасралтгүй ажиллаж байгаа юм байна.

 Иргэдийн бидэнд өгч буй мэдээлээр тус газрын хууль бус үйл ажиллагааны талаар цагдаа болон холбогдох хууль хяналтын байгууллагад дуудлага өгч гомдол гаргахаар торгуулийн арга хэмжээ авсан болоод өнгөрдөг гэнэ.

Албан бус зарим эх сурвалжийн мэдээллээр тайчих клубуудын ард цагдаагийн болон төрийн томоохон албан тушаалтнууд байж болзошгүй талаар хэлж байв.

Ямар ч хяналтгүй ажилладаг эдгээр тайчих клубуудэд НСУГ зөвшөөрөл олгодог

Тайчих үзүүлбэр үзүүлэх тусгай зөвшөөрлийг шөнийн цэнгээний газруудад Нийслэлийн соёл урлагийн газраас олгодог юм байна.

Гэвч нийслэлчүүдийн урлаг, соёлын “толгой” гэгдэх энэ байгууллага тайчих үзүүлбэрийн зөвшөөрлийг стандарт, тодорхой шалгуургүй өгч байгаа нь энэ мэт хууль бус газрууд олшроход нөлөөлсөн гэдгийг учир мэдэх хүмүүс хэлж байлаа.

Наад зах нь шөнийн турш нүцгэн биеэрээ эрчүүдтэй хүрэлцэж, бүжиглэж наргих охид усанд орох өрөө ч үгүй тайчих клубууд олон байдаг гэнэ.

Уг нь холбогдох хууль, зохицуулсан журмандаа стандарт тогтоож, шаардлага тавьдаг ч түүнд нь нийцэж, хэрэгжүүлэх үүрэгтэй тайчих клубууд өөрсдөө “тоглоомын дүрмээ” зохиож дураараа дургиж, дунд чөмгөөрөө жиргэж байна.

Нийслэлийн соёл урлагийн газрын холбогдох албан тушаалтнаас тайчих клубуудын зөвшөөрөл, түүний дараах хяналт, хариуцлагын талаар тодруулахад “Тайчих клубуудын зөвшөөрлийг 2016 онд гарсан НИТХ-ын 35 дугаар тогтоолыг үндэслэж НСУГ-аас олгодог. Жилдээ нэг удаа нэгдсэн шалгалтыг тайчих клубуудэд хийдэг. Мөн тодорхой стандартыг хангасан тохиолдолд манайхаас зөвшөөрөл олгодог” гэсэн тайлбарыг өгсөн юм.

Харамсалтай нь хуулийг “гууль” болгож буй тайчих клуб гэх тодотголтой шөнийн цэнгээний газрууд биеэ үнэлэлт, садар самууныг нийгэмд ямар ч хариуцлага, хяналтгүйгээр “дэлгэрүүлж” байгааг эндээс харж болно.

Бидэнд ирсэн мэдээллээр  нийслэлийн хэмжээнд энэ мэт  30 гаруй тайчих клуб нэртэй биеэ үнэлэлтийг цэцэглүүлж буй газрууд ажиллаж байгаа нь тоохгүй өнгөрөөх зүйл мөн үү Хотын дарга аа!!!

Үргэлжлэл бий...

Т.Хэрлэн

Сэтгэгдэл (17)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 11 сарын 25
64.119.20.242
Zochin

Zereg zindaa togtooj zovshoorliig olgohgui bol ariun tsever muu

2019 оны 11 сарын 24
64.119.27.73
Zochin

Standartiin eronhii gazar saun massajiig shalgah erh olgomoor

2019 оны 11 сарын 24
64.119.27.73
Zochin

Shineer oron suutsnii barilga barihdaa dooroo baarnaas busad uilchilgeeg zovshoorno gej zaamaar

2019 оны 11 сарын 24
64.119.27.73
Zochin

Er n sex gedeg zuil burhanaas zayasan urlag buh urlagiig guitsehgui urlag hun torlohton sexiin olsoglond nervegdsen n sexiin mon chanariig oilgooguigees tsol deer usiig zogsoltgui ugaad tsangaad baigaatai ijil hun torlohton sexiin olsoglond orood bna sexiin orshin togtnol udaan baih tusam sain hun baingiin sexiin amitan adguusnaas yalgarah ontslog n sexiig urlag bolgoh

2019 оны 11 сарын 24
64.119.27.73
Zochin

Chingis zochid buudald neg clab taichdaguu medehgui

2019 оны 11 сарын 24
64.119.27.73
Zochin

Bohiin orgoogiin hajuud neg clab-d taichdag

2019 оны 11 сарын 24
64.119.27.73
Zochin

Tengis kino teatriin hoino huuchnaar amrita clab

2019 оны 11 сарын 24
64.119.27.73
Zochin

Barilgachdiin talbain urd clab-d adil

2019 оны 11 сарын 24
64.119.27.73
Zochin

Orgoo kino teatriin hoino massara clab-d taichdag

2019 оны 11 сарын 24
64.119.27.73
Zochin

Havdar sudlaliin avtobusnii buudliin hajuud taichdag clab

2019 оны 11 сарын 24
64.119.27.73
Zochin

Sansart 2 taichdag clab zuun aild neg taichdag clab

2019 оны 11 сарын 24
64.119.27.73
Zochin

Modnii 2-pt baidag m2 clab 3 horoollold baidag xxx clab suisiin hajuud baidag ub clab tsirkiin hajuud baidag taichih clab vip -clab hoer bombgoriin tend ku dam clab 10 horoolold grand clab sapporo-d baidag jentelmen clab sansart baidag disko clab enhtaivni guurees urd zug ruu taichdag clab ubtz-n emnelegiin hajuud baidag clabuud taichdag

2019 оны 11 сарын 24
64.119.27.73
Zochin

Belgiin daramt gej huseegui baihad sanaataigaar gar hurehiig helne uuntei dald argaar temtseh n es zuid niitsne

2019 оны 11 сарын 24
64.119.27.73
Zochin

Uilchluulegch zovshooroogui baihad taichigch ovor deer suuj bujiglehiig horiglono gedeg zaalt huulind oruuldag ch yumuu

2019 оны 11 сарын 24
64.119.27.73
Zochin

Hun negees iluu huntei sex hiih esgui

2019 оны 11 сарын 19
66.181.186.173
Galaa

Hujaa Solongos uvuu nart ohidiin bieiig uneluulj mungu olsog iimerhuu gazruudiig tsegtsleh heregtei

2019 оны 11 сарын 19
66.181.186.173
zochin

Arai denduu yum bnlee Nzuudtgaa orj bsn Biye unelegcheeree l mungu oldog gazar bnlee