Л.Оюун-Эрдэнэ: Аялал жуулчлалын визийг Гадаадын иргэн харьяатын газар руу шилжүүлнэ

2019 оны 11 сарын 22

УИХ-ын гишүүн Ж.Батзандан өчигдөр 800 хятад иргэний талаар мэдээлэл хийсэн.  Ийм олон хүнд аялалын виз хэрхэн олгож, хяналт тавин шалгасан талаар ЗГХЭГ-ын дарга Л.Оюун-Эрдэнээс тайлбар авсан юм. 

Тэрбээр “БНХАУ-ын Эрээн, Хөх хотод аяллын виз олноор олгож байгаа нь манайд тогтоогдсон. Үүнд шалгалт явуулж, газар дээр нь ажилласан. Ирэх долоо хоногийн Засгийн газрын хуралдаанаар үр дүнг нь танилцуулна. Цаашид ГХЯ хариуцдаг байсан энэ визийг Гадаадын иргэн харьяатын газар руу шилжүүлнэ.

Аялал жуулчлалын визийг аль ч улсад хөнгөрүүлсэн журмаар олгодог ч манайд өөр нөхцөл байдал тулгарсан учраас өмнөхөөсөө илүү цаг хугацаа зарцуулна, системээр ороод тухайн гадаад иргэний санхүүгийн мэдээлэл болон бусад мэдээллийг шалгадаг болно. Дээрх асуудал нь ТЕГ-ын хяналтанд байсан. Үүнийг ТЕГ өөрөө зохион байгуулсан мэтээр мэдээлж болохгүй. Гүйцэт нягтлаагүй зүйлийг нийтэд зарлах нь сөрөг үр дагавартай гэж бодож байна” хэмээсэн юм.

Т.Очир

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.