Д.Мөнхжаргал: Пассив барилга технологийг нэвтрүүлэх чиглэлээр Германы эрдэмтдийг хүлээн авч уулзлаа

2020 оны 01 сарын 17

Нийслэлийн Засаг даргын Агаар орчны бохирдол хариуцсан орлогч дарга Д.Мөнхжаргал өнөөдөр  Пассив хауз технологийн чиглэлээр олон жил ажилласан, Холбооны бүгд найрамдах Герман улсын /ХБНГУ/  тэргүүлэх эрдэмтдийн нэг профессор Льюдвик Ронген нарын төлөөлөлтэй уулзаж, санал солилцлоо.

Пассив барилгын технологи нь барилгын салбарт эрчимтэй нэвтэрч буй амьдралын тав тухыг хангасан эко систем бүхий эрчим хүчний хэмнэлттэй барилгын шийдэл бөгөөд уламжлалт технологитой харьцуулбал хамгийн бага эрчим хүч зарцуулдагаараа агаарын бохирдол, уур амьсгалын өөрчлөлтөд хамгийн ээлтэй технологи юм.  

“Пассив байшингийн халаалтын систем” нь тухайн байрыг ашиглах явцад үүсч байгаа дулаан, гэр ахуйн цахилгаан хэрэгсэл, дотор нь ажиллаж, амьдарч байгаа хүний биеэс ялгарч байгаа дулааныг алдалгүй барьдагаараа онцлогтой аж.Хөгжингүй орнуудын барилгын салбар тэр дундаа сургууль, цэцэрлэгийн хэрэглээнд хурдацтай нэвтэрч буй энэхүү технологи эрчим хүч болон эдийн засгийг бодитой хэмнэж байгааг оролцогч талууд уулзалтын үеэр онцлон тэмдэглэлээ.

Уулзалтын үеэр Нийслэлийн Засаг даргын Агаар орчны бохирдол хариуцсан орлогч дарга Д.Мөнхжаргал МУ-ын засгийн газар болон Нийслэлийн засаг даргын тамгын газар Улаанбаатар хотын агаарын бохирдлыг бууруулахад ихээхэн хүчин чармайлт гарган ажиллаж тодорхой үр дүнд хүрээд байгаа талаар ярилаа. Цаашид агаарын бохирдлыг 70% хүртэл бууруулах зорилтын хүрээнд төрийн сургууль, цэцэрлэг, эмнэлэг албан байгууллагуудуудад пассив барилгын технологийг  нэвтрүүлэх, барилгын дулаан техникийн шинэчлэл хийхийг зорьж байгаагаа  тодотгов.
 
Профессор Льюдвик Ронген Пассив хауз технологийг төвийн нэгдсэн системд холбогдоогүй гэр хорооллын сургууль цэцэрлэг, ААНБ, айл өрхүүдэд  нэвтрүүлбэл утаа, агаарын бохирдлыг эрс бууруулах ба Монгол оронд жилийн 200 гаруй хоногт нь цэлмэг, нартай байдаг нь асар их энергийн сул эх үүсвэртэй гэдгээрээ ногоон барилгын стандартыг Монголд нутагшуулах нь нэн тохиромжтой гэж үзэж байгаагаа дуулгав.

Мөн тэрээр Пассив хаузны стандартын агааржуулалтын систем маш сайн тул барилга доторхи агаарын чанарыг маш сайн байлгаж энэ нь хүүхдийн сэтгэн бодох, сурах чадварыг эрс дээшлүүлдэг болохыг Германы эрдэмтэд олон жил судалж тогтоосон тухай Нийслэлийн засаг даргын орлогч Д.Мөнхжаргалд танилцуулав. 

Цаашид орлогод нийцсэн ногоон орон сууц хөтөлбөр, шинэ хороолол, дагуул хотуудыг пассив барилгын стандартаар барих, хуучин сургууль цэцэрлэг, эмнэлэг, угсармал орон сууцны барилгуудын дулаалгыг хийж тус технологийг нэвтрүүлэх талаар хамтран ажиллахаар боллоо

Сэтгэгдэл (5)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 01 сарын 19
105.112.99.114
DR. ADITYA

БҮГДЭЭРЭЭ САЙН УУ!!!!!\nБид олон нийтэд мэдээлэхийг хүсч байна;\nТа бөөрийг худалдахыг хүсч байна уу? Та санхүүгийн хямралын улмаас бөөрийг\nзарж борлуулах боломжийг эрэлхийлж байна уу, юу хийхээ мэдэхгүй байна уу?\nДараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM\nхаягаар бид танд бөөрнийх нь хэмжээгээр санал болгох болно. Яагаад гэвэл\nманай эмнэлэгт бөөрний дутагдалд орж, 91424323800802.\nимэйл: DR.PRADHAN.UROLOGIST.LT.COL@GMAIL.COM\nYнэ: $780, 000 (Долоон зуун, Наян мянган доллар)\nWhatsApp: 157444437443

2020 оны 01 сарын 18
192.82.73.45
Zochin

Япон туркын барилгыг хурдан барьдаг технологыг монголд

2020 оны 01 сарын 18
73.51.100.212
Ганбат

... Пассив барилгын технологийн талаар илүү дэлгэрэнгүй мэдээлэл өгнө үү. Хамтын ажиллагаанд амжилт хүсье.

2020 оны 01 сарын 17
103.212.117.220
Zochin

Норвегийн дээвэр дээрээ өвстэй байшинг

2020 оны 01 сарын 17
103.212.117.220
Zochin

Наяк хавтан яасан бэ