Д.Тогтохсүрэн: Бид үзэж сонирхох зорилгоор л казино орсон

2020 оны 01 сарын 20

УИХ дахь МАН-ын бүлгийн дарга Д.Тогтохсүрэнгээс казинод тоглосон эсэх талаар нь тодрууллаа. 

Тэрбээр "УИХ-ын таван гишүүн УИХ-ын даргын хамт Австралийн Канберра хотод болсон Олон улсын парламентийн холбооны 28-р чуулганд оролцоод ирлээ. Зургаа хоног яваад ирсэн. 13-16-ны өдөр Канберра хотод олон улсын хуралд оролцсон, тэр үеэр олон уулзалтад оролцсон. 17-ны өдөр Сидней хотод нэг өдрийн аяллын хөтөлбөртэй байсан. 18-нд Хонгконг руу нисээд, 19-ний өдөр Улаанбаатарт буусан. Аяллын хөтөлбөрийнхөө хүрээнд явж, ажиллаад ирсэн. 17-ны өдөр УИХ-ын гишүүдэд Сидней хотыг танилцуулах хөтөлбөрийн дагуу худалдааны гудамжууд, Австралийн эдийн засаг бизнесийн төвүүдтэй танилцсан.

Тэдний нэг төвийн казиног нь сонирхож үзье, ямархуу байдаг юм гэж УИХ-ын гишүүн Д.Эрдэнэбат, Д.Лүндээжанцан гишүүн, Элчин сайд Чулуунхүүтэй дөрвүүлээ орсон. Ороод гарах хооронд бидний зураг авсан байсан. Нэг том танхимтай, олон хүн л бужигнасан газар байна лээ. Бид нар тэнд удаагүй, үзээд л гарсан. УИХ-д Ш.Раднаасэд гишүүнээр ахлуулсан Казиногийн хуулийн төсөл боловсруулах Ажлын хэсэг байгуулагдсан. Энэ Парламентаар амжвал Казиногийн хуулийн төслийг хэлэлцэхээр яригдаж байгаа энэ үед ойлголттой болбол яасан юм гэж ярилцаад орж, үзсэн. Бидэнд хэн нэгнээс нууж хаах зүйл байхгүй.  Казино тоглоогүй, үзэж сонирхсон гээд хариуцлага хүлээлгэдэг бол хариуцлага хүлээхэд бэлэн байна гэв. 

Сэтгэгдэл (3)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 01 сарын 21
202.55.191.194
ttt

ичдэггүй

2020 оны 01 сарын 21
202.180.220.172
ИРГЭН

БАГА ТЭНЭГТ...

2020 оны 01 сарын 21
70.181.123.238
Irgen

Iim archaagyi alban tushaaldaa naaldsan amitdiig turuus zailuulah arga baihgyi yu.olon tymeen songuuliiar bygdiig zailuulah heregtei.