Агаарын чанарыг сайжруулах бүсэд мөрдөх шинэ журмын дагуу үе шаттайгаар нүүрсний хэрэглээг хумина

2020 оны 02 сарын 14

Нийслэлийн Засаг даргын зөвлөлийн хуралдаан /2020.02.13-ны өдрийн/-аар "Агаарын чанарыг сайжруулах бүс түүнд мөрдөх журам" шинэчлэх, МУЗГ-ын 62 дугаар тогтоол нэмэлт өөрчлөлт оруулах тухай асуудлыг танилцууллаа. Түүнчлэн алслагдсан 3 дүүрэг болон түүхий нүүрс хэрэглэж буй 5 хороог Агаарын чанарыг сайжруулах бүсэд I-II бүсэд хамруулах санал оруулж Засгийн газрын хуралдаан болон Орчны бохирдлыг бууруулах үндэсний хороонд танилцуулан шийдвэрлүүлэхээр болжээ.

“2020-2021 онд мөрдөгдөх Агаарын чанарыг сайжруулах бүсийг шинэчлэхдээ Багануур, Багахангай, Налайх дүүргийн агаарын бохирдлын түвшин, дүүргийн удирдлагын саналыг үндэслэн агаарын чанарыг сайжруулах бүсэд хамруулах санал оруулж хэлэлцүүллээ. Налайх дүүргийн 1 дүгээр хорооны нутаг дэвсгэрт 2019 оны 02 дугаар сарын 06-07 ны өдрүүдэд 24 цагийн агаарын чанарыг тодорхойлох хэмжилтээр 22- 23 цагийн үед РМ2.5 тоосонцор агаарын чанарын хүлцэх хэмжээнээс 8.2 дахин их байсан, 2020 оны 02 сарын 09-10 ны өдрийн хэмжилтээр РМ2.5 тоосонцор агаарын чанарын хүлцэх хэмжээнээс 2 дахин их байгаа нь нийслэлийн алслагдсан 3 дүүрэгт түүхий нүүрсний хэрэглээг бууруулах арга хэмжээг зайлшгүй авах шаардлага үүсч байгаа юм.

НИТХ-ын 2019 оны “Хороодын бүтэц зохион байгуулалтад өөрчлөлт оруулах тухай” 25/21 дүгээр тогтоолоор нийслэлийн Сонгинохайрхан дүүрэг, Хан-Уул дүүрэг, Налайх дүүргүүдийн хороод хуваагдаж, шинээр 17 хороо байгуулагдсан тул тус хороодыг бүсэд хуваарилах шаардлага гарсан.

Мөн Нийслэлийн Засаг даргын 2019 оны А/1377 дугаар захирамжаар Нам даралтын халаалтын зууханд түүхий нүүрс хэрэг-лэхийг хориглосон. Эрчим хүчний яам, Эрчим хүчний зохицуулах зөвлөлөөс нийслэлийн гэр хорооллын цахилгаан шугам сүлжээ, дэд станцын хүчин чадлыг нэмэгдүүлэн 41964 айл өрхийг 4кВт чадалтай цахилгаан халаагуураар халаах техникийн боломжийг бүрдүүлсэн. .


Дээрх үндэслэлээр “Агаарын чанарыг сайжруулах бүс”-ийг доорхи 4 бүсэд хуваах саналыг гаргаж байна.
1. Түүхий нүүрсийг үе шаттай хориглох бүс
2. Сайжруулсан хатуу түлш хэрэглэх бүс
3. Цахилгаан болон бусад эх үүсвэрээр үе шаттайгаар хориглох бүс
4. Бүх төрлийн хатуу түлш хэрэглэхийг хориглох бүс зэрэг багтаж байна.

Зөвлөлийн гишүүд оруулсан саналыг дэмжиж Засгийн газрын хуралдаан болон Орчны бохирдлыг бууруулах үндэсний хорооны хуралд танилцуулахаар боллоо.

No photo description available.

Image may contain: one or more people, people sitting and closeup

Image may contain: 1 person, sitting and indoor

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.