УИХ-ын даргаар Г.Занданшатар улиран сонгогдох уу

2020 оны 06 сарын 30

УИХ-ын анхдугаар чуулган өнөөдөр эхэлсэн. Хуралдаанаар УИХ-ын гишүүд тангараг өргөж, бүрэн эрхээ хэрэгжүүлж эхлэв. Ингээд чуулганы хуралдаан завсарлаж, 16.00 цагт үргэлжлүүлэн хуралдахаар боллоо. Хурлаар УИХ-ын даргыг томилох асуудлыг хэлэлцэнэ.

Анхдугаар чуулганыг УИХ-ын даргыг томилтол хамгийн ахмад гишүүн даргалах хуультай. Үүний дагуу анхдугаар чуулганыг УИХ-ын гишүүн Х.Баделхан даргалж байгаа юм. 

Харин УИХ-ын дарга хэн болох вэ гэдэг улс төрийн хүрээнд анхаарал татаж байгаа энэ үед эрх баригчид Г.Занданшатарыг улируулан томилохоор тохиролцжээ. Тодруулбал, өнгөрсөн хоёр жилийн хугацаанд УИХ-ын даргаар ажилласан Г.Занданшатарыг спикерээр нь улируулан томилох саналтай байгаа гэнэ.

МАН-ын Удирдах зөвлөл хуралдаж, Ерөнхий сайдаар У.Хүрэлсүх, УИХ-ын даргаар Г.Занданшатар нарыг томилох эсэх асуудлыг хэлэлцэж, эргэн чуулганыг үргэлжлүүлнэ гэсэн мэдээлэл байна.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.