Эрчим хүчний сайд Б.Чойжилсүрэнгийн дүүгийн "Новотел" зочид буудал зөвхөн энэ онд төсвөөс 849.9 сая төгрөг шилжүүлэн авсан байна.
Соёлын сайд Ч.Номингийн хамааралтай гэх "Тэрэлж" зочид буудалд төсвийн хэлэлцүүлэг зохион байгуулсан мэдээлэл олон нийтийн дургүйцлийг хүргээд байгаа билээ. Тэгвэл хувийн зочид буудлаараа төрөөс мөнгө авдаг улс төрчдийн буухиаг Эрчим хүчний сайд Б.Чойжилсүрэн үргэлжлүүлж байна.
Тодруулбал Б.Чойжилсүрэнгийн дүү Б.Балдоржийн эзэмшдэг "Би би девелопмент хотел" ХХК буюу "Новотел" зочид буудалд төрийн байгууллагууд төлбөр төлж элдэв уулзалт, семинар, хурал зөвлөгөөн зохион байгуулахаас гадна гадна, дотнын хүндэт зочдыг татвар төлөгчдийн мөнгөөр байрлуулдаг талтай. Зөвхөн энэ онд 849.9 сая төгрөгийг төрөөс авсан байна. Харин өнгөрсөн онд 449.9 сая төгрөг авсан байна.
Б.Чойжилсүрэнгийн дүү Б.Балдорж хувьдаа 60 гаруй компанийг эзэмшдэг аж. Ах дүү хоёрын толгой эргэм олон компаниуд "Хурд", "Рапид" болон эзэмшдэг лицензүүдээрээ холбогддог. Өөрөөр хэлбэл халаас нэгтэй гэсэн үг.
Дээрээс нь төрсөн дүү Б.Балдоржийнх нь эзэмшдэг компани төрөөс их хэмжээний мөнгө авч байгаа учраас яах аргагүй ашиг сонирхлыг зөрчилтэй гэж харж болох. Улстөрчийн хамгийн ойрын хамаарал бүхий этгээд бол төрсөн ах дүү, гэр бүлийн хүмүүс нь байдаг шүү дээ.
Мөн энэ кэйс нь олны дургүйцлийг хүргээд байгаа Ч.Номин сайдын "Тэрэлж" зочид буудалтай яг адилхан жишээ. Тухайлбал "Ч.Номин сайдын" хэмээн тодотгоод байгаа "Тэрэлж сүйх" ХХК нь одоогийн байдлаар Ч.Номингийн дүү Ч.Батхүүгийн эзэмшилд байгаа юм.
Б.Чойжилсүрэн, Ч.Номин нар хоёул УИХ-ын гишүүн, сайд буюу төрийн өндөр албан тушаалтан. Аль алиных нь дүү өндөр зэрэглэлийн зочид буудал эзэмшдэг бөгөөд төсвөөс их хэмжээний мөнгө авсан нь харагдаж байна. Харин ялгаа нь үнийн дүн. Ч.Номингийн "Тэрэлж" зочид буудал 2024 онд 243 сая төгрөг авсан байгаа бол Б.Чойжилсүрэнгийн "Новотел" зочид буудал 2024 онд 849.9 сая төгрөг авсан байгаа юм.
Энэ мэтээр улс төрчид хамаарал бүхий этгээдүүдээрээ дамжуулан төсвийн мөнгө завшдаг, бизнесээ дэмждэг байдал төрийн сайдаасаа эхлээд гаарчихсан байгааг дээрх жишээнээс харж болно.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.31.103
Энэ ч Өнчин угжны тэжээвэр хурга ишгүү яасан даварсан Төрийн гэсэн тодотголтой Ханаж цадахгүй ядарсан. Сэтгэхүйтэй тэжээвэрүүд вэ ....Ардууд Улны ядуугаараа дуудуулж угжны тэжээвэр хулгайчуудыг нуруундаа үүрч тэжээж чадахгүй шүү.....
Хариулах66.181.179.164
сайд болохын зорилго үүнд шүү дээ. сайд болгодог хүмүүс нь хэдийг авдаг юм бол эднээс
Хариулах213.55.184.156
Zailuulaachee ene novshnuudaa
Хариулах202.126.90.164
Яасан даварцан хэрээний хоолнууд вэ
Хариулах