Эдийн засгийн байнгын хорооны өнөөдрийн хуралдаанаар Санхүүгийн зохицуулах хорооны дарга, орон тооны бус гишүүн, Санхүүгийн зохицуулах хорооны Хяналтын зөвлөлийн дарга, гишүүн, Монгол банкны Мөнгөний бодлогын Хяналтын зөвлөлийн дарга, гишүүн, Үндэсний статистикийн хорооны зөвлөлийн гишүүний албан тушаалд нэр дэвшигчдийг хэлэлцлээ. Хурлаар,
- Санхүүгийн зохицуулах хорооны даргад нэр дэвшигч Т.Жамбаажамц
- Санхүүгийн зохицуулах хорооны орон тооны бус гишүүнд нэр дэвшигч Л.Сонор
- Үндэсний статистикийн хорооны зөвлөлийн гишүүнд нэр дэвшигч Г.Золбоо
- Монголбанкны Хяналтын зөвлөлийн гишүүнд нэр дэвшигч Т.Тэлмэн нарыг хэлэлцэх юм.
Нэр дэвшигчдээс Санхүүгийн зохицуулах хорооны даргад нэр дэвшигч Т.Жамбаажамцаныг гишүүдийн олонх дэмжлээ. Тэрбээр салбартаа 19 жил ажилласан туршлагатай, төрийн албаны меритт зарчмаар явж байгаа гэдэгт гишүүд итгэл өгч дэмжлээ.
СЗХ-ны даргаар томилогдохоор дэмжигдсэн Т.Жамбаажамцын мэдээлэл
Боловсрол:
- Санхүү Эдийн Засгийн Их Сургууль, Бизнесийн удирдлагын магистр;
- Монгол Улсын Их Сургууль, Хууль зүйн сургууль, Олон улсын эрх зүйч мэргэжлээр бакалавр.
Ажил эрхэлсэн байдал:
- 2016 оны 8 дугаар сараас одоог хүртэл Санхүүгийн зохицуулах хорооны Ажлын албаны дарга;
- 2015-2016 онд Санхүүгийн зохицуулах хорооны Хяналт шалгалтын газрын орлогч дарга;
- 2014-2015 онд Санхүүгийн зохицуулах хорооны Үнэт цаасны газрын дарга;
- 2013-2014 онд Санхүүгийн зохицуулах хорооны Хөрөнгийн зах зээлийн бодлого, төлөвлөлтийн хэлтсийн дарга;
- 2011-2013 онд Санхүүгийн зохицуулах хорооны Үнэт цаасны газрын ахлах хянан шалгагч;
- 2009-2011 онд Санхүүгийн зохицуулах хорооны Үнэт цаасны газрын хянан шалгагч;
- 2007-2009 онд Санхүүгийн зохицуулах хорооны Үнэт цаасны газрын мэргэжилтэн;
- 2006-2007 онд Санхүүгийн зохицуулах хорооны Хяналт шалгалтын газрын мэргэжилтэн.
Сэтгэгдэл бичигдээгүй байна