Ерөнхий сайд Г.Занданшатарыг огцруулах, УИХ-ын дарга Д.Амарбаясгалангийн чөлөөлөгдөх хүсэлтийг УИХ-ын чуулганаар хэлэлцэхээр гишүүдийг хүлээж байна.
УИХ-ын гишүүн Л.Мөнхбаясгалан өөрийн цахим хуудсаараа дамжуулан байр сууриа илэрхийлжээ.
Тэрбээр, "Өглөөнөөс хойш өдөржин чуулганы ирцийг хүлээлээ. АН -ын бүлгийн шийдвэр Ерөнхий сайд Г.Занданшатарыг огцруулахыг хэлэлцэхдээ УИХ ын дарга Д.Амарбаясгаланг ч мөн огцруулах асуудлыг давхар оруулж ирвэл чуулганы нэгдсэн чуулганд ороод хамтад нь огцруулна гэж гарсан.
Гэтэл УИХ -ын дарга Д.Амарбаясгалан манай бүлгийн шийдвэрийг авсны дараа өөрөө огцрох өргөдлөө өгсөн. Төрийн байгууллалтын байнгын хороо ч огцрохыг нь дэмжиж гарсан. Ингээд чуулганы хуралдаанд орох гэтэл манай намын гишүүд орж ирдэггүй. Одоо танхимд АН -ын 19 гишүүн, МАН-ын 31, бусад 10 гишүүн хүлээсээр.
Нөгөө хүсээд байсан Д.Амарбаясгалан нь огцроё гэлээ гэтэл таг… Г.Занданшатарыг нь ч давхар огцруулна гээд дүүхэлзээд байсан гишүүд алга болчих нь энэ. Бид сөрөг хүчин. МАН-ыг хайрлах учир байхгүй. Тэд угаасаа улс орныг авч явж чадахгүй байгаа. МАН-ыг огцруулж л байвал зөв гээд байсан гол рольд тоглож байсан нөхөд маань зугтчихлаа. Итгэл үнэмшил туйлдаж байна шүү" гэжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.88.91
Улс орноо тэргүүнд тавьдаггүй хүмүүсийн өрөөсгөл бодол дутуу ухаан намчирхахад хүргэдэг. Намаар талцдаг больсон цагт л улс хөгжинө
Хариулах