УИХ-ын гишүүн П.Сайнзоригоос Ерөнхийлөгчийн тавьсан хориг болон бусад асуудлаар тодрууллаа.
Тэрбээр, "Ерөнхий сайдыг огцруулах эсэх асуудал дээр Үндсэн хууль зөрчсөн асуудал байхгүй.
Мэдээж Ерөнхийлөгчийн тавьсан хоригийг чуулганаар хэлэлцээд явах байх. Ерөнхийлөгч УИХ-ын тогтоолд бүхэлд нь хориг тавьсан. Тийм болохоор УИХ-ын дарга Д.Амарбаясгаланг огцруулах асуудал ч мөн буцах ёстой. 2026 оны улсын төсвийн хэлэлцүүлэгч мөн буцах ёстой болж байгаа юм.
-Үндсэн хуулийн цэцээс гаргасан тайлбар дээр та ямар байр суурьтай байна вэ?
-Цэц төвийг сахин ажиллах ёстой. Энэ асуудал өнөөдөр маг эргэлзээтэй харагдаж байна. Ерөнхий сайд Г.Занданшатарыг огцруулах эсэх асуудлыг 10 дугаар сарын 17-ны өдөр УИХ шийдсэн байхад 16-ны өдөр маргаан үүсгэсэн байна. Гараагүй шийдвэр дээр маргаан үүсгэсэн гэсэн үг.
Хоёрдугаарт энэ асуудал дээр ажлын гуравхан хоногийн дараа эцсийн шийдвэрээ гаргана гэсэн байсан. Өнөөдөр ямар зорилгоор дунд суудлын хуралдаанаар хэлэлцэх ёстой асуудлыг их суудлын хуралдаан руу оруулж ямар зорилгоор үндсэн хууль зөрчиж байгаа юм бэ. Цэцийн дээр хөх тэнгэр энэ тэр байдаггүй шүү. Цэцийн дээр Үндсэн хууль өөрөө л байдаг юм.
1992 оны Үндсэн хууль батлагдсанаас хойш анх удаа нэг асуудал дээр Ерөнхийлөгчийн хориг болон Цэцийн шийдвэр зэрэг гарлаа. 11 асуудлыг тодруулж байж цэцийн хуралдааныг хуралдуулна гэж заасан байдаг. Дайн болон онц байдал зарласан цэрэг хөдөлгөх шийдвэр гарсан байх юм бол цэцийн хуралдааныг гурав хоног дотор бэлддэг. Гэтэл шууд дунд суудлын хуралдааныг алгасаад их суудлын хуралдааныг гурав хоногийн дотор зохион байгуулах гэж байна" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
150.228.177.67
ene huur tsetsees davj yaridag hen ve haltar golog chin
Хариулах