УИХ-ын гишүүн Д.Үүрийнтуяагаас цаг үеийн асуудлаар тодрууллаа.
Тэрбээр, “Гишүүд хөрөнгө оруулалт аваад хувааж идэх гэж байгаа юм шиг, үүний ард санал худалдаж аваад байгаа юм шиг ийм буруу ойлголтыг манай жагсаалтаас сонгогдсон гишүүд яриад байгаа юм. Би үүний эсрэг байгаа.
Тойргийн гишүүд төсвөө батлуулах гэж хөөцөлдөж гүйж ёстой. Ард түмэндээ амласан амлалтаа биелүүлмээр байна. Гэтэл зарим нь өөр зүйл ярьж байна. Бид тойрог дээр амласан амлалтаа хэрэгжүүлэхийн тулд, тулгамдсан асуудлуудыг шийдэхийн тулд ажиллах үүрэгтэй.
Бид нийгэмд тулгамдаж байгаа асуудлаа нэг номерт шийдэх ёстой. Цаашдаа төсвийн бодлогоо өөрчлөхгүй бол энэ чигээрээ явах боломжгүй байна гэдгийг бүлэг дээр хэлж ярилцлаа. Төсвийн ангилалд байгаа зардлын ангиллуудын бүтцийг өөрчлөх ёстой. Үгүй бол үүнийг цааш авч явж чадахгүй" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна