Энэ долоо хоногийн лхагва /2025.11.10/ гарагт товлогдсон УИХ-ын чуулганы нэгдсэн хуралдааны хэлэлцэх дараалалд "Засгийн газрын гишүүнийг огцруулах, томилох асуудлыг танилцуулах" асуудал товлогдсон байна. Өнгөрөгч сарын 29-нд Шадар сайдаар ажиллаж байсан С.Амарсайхан ажлаа өгч байгаа талаараа мэдэгдсэн. Үүнтэй холбоотойгоор Төсвийн байнгын хорооны даргаар ажиллаж байгаа Х.Ганхуягийг Монгол Улсын Шадар сайдаар томилох тохироо хийгдээд буй. Эл саналаа ч өнгөрөгч баасан гарагт УИХ-ын дэд даргад хүргүүлсэн байдаг.
Түүний томлгоо өмнөх баасан гарагт хийгдэх байсан ч Төсвийн хэлэлцүүлэг явагдаж байсан учраас хойшлуулаад байсан юм.
Түүний төгссөн сургууль, ажилласан байдал:
ТӨГССӨН СУРГУУЛЬ, МЭРГЭЖИЛ
1994 онд Нийслэлийн Монгол-Оросын хамтарсан 3 дугаар дунд сургууль
1999 онд МУИС, Олон улсын харилцааны дээд сургууль, гадаад албаны ажилтан
2014 онд АНУ, Харвардын их сургууль, Захирлуудад зориулсан бизнес удирдлага, ерөнхий менежмент
2015 онд БНСУ-ын Үндэсний академи, олон улсын эдийн засаг
2018 онд Канад Улс, Бритиш Колумбийн их сургууль, Уул уурхайн инженер, тогтвортой хөгжлийн засаглал
АЖИЛЛАСАН БАЙДАЛ
2003 оноос Хера группийг үүсгэн байгуулагч, УЗ-ийн дарга
2008-2014 онд Ремикон ХК-ийн ТУЗ-ийн дарга
2010-2014 онд Уул уурхайн ассоциацийн удирдах зөвлөлийн гишүүн
2010 оноос Архангай аймгийн Тариат сумын нутгийн зөвлөлийн дарга
2013 оноос “CEO” клубийн гишүүн
2013 оноос ҮРО, Монгол Улс дахь салбар байгууллагын гишүүн
2012-2014 онд Үйлдвэр, хөдөө аж ахуйн сайдын орон тооны бус зөвлөх
2015-2017 онд МЭЗФ-ын зохион байгуулах комиссын гишүүн
2017 онд МАН-ын бага хурлын гишүүн
2018 оноос Баянгол дүүргийн МАН-ын тэргүүлэгч, 22-р хорооны намын хорооны дарга
2019 онд ЗхЗ UB клубийн эзэн, УЗ-ийн гишүүн
2019-2020 онд ЗГХЭГ-ын даргын орон тооны бус зөвлөх
2020-2024 онд Монгол Улсын Их Хурлын гишүүн
2024 оноос Монгол Улсын Их Хурлын гишүүн
2025 оноос Монгол Улсын Их Хурлын Төсвийн байнгын хорооны дарга
ШАГНАЛ
2011 онд Хөдөлмөрийн хүндэт медаль
2013 онд Алтангадас одон
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна