Оюутолгойн хэлэлцээрийн талаар УИХ-ын гишүүн Ц.Даваасүрэнгээс тодрууллаа.
Тэрбээр "УИХ-аас тогтоол гарсан. Үүний өмнө ч 2021 онд 103-р тогтоол гэж гарсан юм. Тэр тогтоолоор Оюутолгойг дахиж зээлээр санхүүжилт хийхгүй байх шийдвэр гарсан. Нөгөөх нь Дубайн гэрээг хүчингүй болгосон. Одоо Оюутолгойн зээлийн хүүд өдөр бүр 13-15 тэрбум төгрөг төлж байна гэж яриад байна шүү дээ. Тэгвэл үүнийг зогсоо гэдэг шийдвэрийг 2021 онд УИХ гаргасан. Тэгэхээр энэ тогтоол хэрэгжихгүй яваад байна шүү дээ.
Өнөөдөр Оюутолгойн ашиг хоёр дахин нэмэгдсэн байна. Асар их баялгаа зүгээр ачуулаад байхад монголчууд ерөөсөө тоохгүй юм. Ингээд байхаар чинь биднийг луйвардахгүй яах юм бэ.
Энийг зарсан хулгайч нь өнөөдөр Ардчилсан намын тэргүүн болох гээд явж байна шүү дээ. Гэтэл үүний төлөө дуугарсан хүмүүсийг эхнээс цэвэрлэчихсэн. Би үлдчихээд яриад зогсож байна.
Ерөнхий сайд Н.Учралтай би орж уулзсан. Энэ асуудал дээр тодорхой ахиц дэвшил гарна гэсэн. Би хүлээж байна.
2021 онд УИХ-аас Оюутолгойг нэмэлт зээл авч болохгүй гэж тогтоол гаргачихаад байхад тэр үеэс хойш дахиад 7 тэрбум долларын зээл авчихсан байна. Бид зүгээр л зээл төлдөг тал нь болчихлоо" гэв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна