Ихэнх нутгаар өнөө маргаашдаа цаг агаар тогтуун дулаахан байна гэж Ус цаг уур, орчны хүрээлэнгээс мэдээллээ.
Энэ сарын 8-нд баруун болон төвийн аймгуудын нутгийн зарим газар, 9,10-нд нутгийн хойд хэсгээр, 11-нд төв болон зүүн аймгуудын нутгийн зарим газраар хур тунадас, нойтон цас орно. Салхи 8,10-нд ихэнх нутгаар, 9-нд Алтайн салбар уулс, говь талын нутгаар, 11-нд зарим газраар секундэд 14-16 метр, зарим үед 18-20 метр хүрч шороон шуурга шуурна.
Идэр, Тэс голын хөндий, Хүрэн бэлчир, Дархадын хотгор болон Хангай, Хөвсгөл, Хэнтэйн уулархаг нутгаар шөнөдөө 0-5 градус хүйтэн, өдөртөө 14-19 градус, говийн бүс нутаг, Орхон-Сэлэнгийн сав газраар шөнөдөө 7-12 градус, өдөртөө 23-28 градус, бусад нутгаар шөнөдөө 3-8 градус, өдөртөө 18-23 градус дулаан байна. Хугацааны сүүлээр нутгийн хойд хэсгээр сэрүүсэх аж.
Сэтгэгдэл бичигдээгүй байна