Үндэсний хоккейн лигийн Ванкувер Кэнакс багийн довтлогч Брук Босер цавины гэмтлийн улмаас 4 тоглолтонд оролцох боломжгүй болсон байна. Энэхүү гэмтлээ 21 настай залуу довтлогч өнгөрсөн 7 хоногт Баффало Сэйбрис багт 4-3 харьцаагаар дийлдсэн тоглолтын 3-р үед авсан юм. Багийн дасгалжуулагч Трэвис Грин энэ 7 хоногт эргэн ирнэ гэж байсан ч, эмч нарын үзснээр наанадаж 4 тоглолтонд сэлгээнд суух зөвлөмж өгчээ. Өнгөрсөн жил Калдер Трофигийн төлөө өрсөлдөж байсан Босер энэ улиралд 13 тоглолтыг багийнхаа хамтаар хийж, 4 гоол 7 гоолын дамжуулалтыг өгсөн юм. Босер миний бие сайн байгаа гэж мэдэгдээд байгаа ч, Монреал Канадиенс багийн эсрэг 18-ны өглөө тоглох тулаан хүртэл эргэн ирэхгүй гэдгийг багийн албаны зүгээс хэвлэлийнхэнд мэдэгджээ.
Сэтгэгдэл бичигдээгүй байна