Чуулганаар АТГ-ын даргын томилгоог хэлэлцэнэ

УИХ-ын ээлжит бус чуулган  өнгөрөгч долоо хоногийн Даваа гарагт  эхэлсэн. Энэ  хугацаанд Татварын багц хуулиудын өөрчлөлтөө хэлэлцэж батлаад буй. 

Ээлжит бус чуулганы хэлэлцэх асуудалд зарим албан тушаалтны томилгооны тухай  байгаа. Тухайлбал, Зэвсэгт Хүчний жанжин штабын даргыг томилоод байгаа бол  маргаашийн хуралдаанаар УЕП-ын орлогч болон АТГ-ын даргын асуудлыг хэлэлцэхээр төлөвлөжээ.

УИХ-ын ээлжит бус чуулганы энэ долоо хоногт хэлэлцэх асуудлыг хүргэж байна.

 АЖЛЫН ХЭСГИЙН ХУРАЛДААН:

Гуравдугаар сарын 25-ны Даваа гарагт:

-Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Эдийн засгийн байнгын хорооны ажлын дэд хэсгийн хуралдаан 11.00 цагаас “Г” танхимд;

 -Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “Г” танхимд.

БАЙНГЫН ХОРООНЫ ХУРАЛДААН:

Гуравдугаар сарын 26-ны Мягмар гарагт:

1.Эдийн засгийн байнгын хорооны хуралдаан 09.00 цагаас “Их Эзэн Чингис хаан” танхимд:

 Хэлэлцэх асуудал:

 -Ажлын хэсэг байгуулах тухай байнгын хорооны тогтоолын төсөл /Экспортыг дэмжих чиглэлээр төрөөс баталсан бодлогын шийдвэрт дүн шинжилгээ хийх/;

 -Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төсөл /Засгийн газар 2018.11.21-ний өдөр өргөн мэдүүлсэн, эцсийн хэлэлцүүлэг/.

 2.Хууль зүйн байнгын хорооны хуралдаан 11.00 цагаас “Их Эзэн Чингис хаан” танхимд:

 Хэлэлцэх асуудал:

-Үндсэн хуулийн цэцийн 2019 оны 01 дүгээр дүгнэлт;

-Улсын ерөнхий прокурорын орлогчийг зөвшилцөх тухай асуудал;

-Авилгатай тэмцэх газрын дарга, дэд даргыг томилох тухай асуудал.

 ЧУУЛГАНЫ НЭГДСЭН ХУРАЛДААН:

Гуравдугаар сарын 26-ны Мягмар гарагт 15.00 цагаас:

-Үндсэн хуулийн цэцийн 2019 оны 01 дүгээр дүгнэлт;

-Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төсөл /Засгийн газар 2018.11.21-ний өдөр өргөн мэдүүлсэн, эцсийн хэлэлцүүлэг/;

-Улсын ерөнхий прокурорын орлогчийг зөвшилцөх тухай асуудал;

-Авилгатай тэмцэх газрын дарга, дэд даргыг томилох тухай асуудал;

-Монгол Улсын Их Хурлын ээлжит бус чуулганы хаалт.