Хаврын чуулган Баасан гаригт нээлтээ хийнэ

УИХ-ын хаврын ээлжит чуулган ирэх дөрөвдүгээр сарын 5-ны Баасан гаригт нээлтээ хийнэ. УИХ-ын тухай хуульд чуулганы эхлэх болон завсарлах хугацааг заасан байдаг. Тухайлбал, хаврын ээлжит чуулган дөрөвдүгээр сарын 5-ны өдрөөс мөн оны долдугаар дугаар сарын 1-ний хооронд үргэлжилнэ.

УИХ-ын 2019 оны намрын чуулган хоёрдугаар сарын 02-нд  хаалтаа хийж, сүүлчийн хуралдаанаар хаврын чуулганаар хэлэлцэх асуудлыг хэлэлцэн баталсан юм.

Хаврын ээлжит чуулганаар хэлэлцэх асуудлын талаар төсөл санаачлагчдаас урьдчилан санал авахад Монгол Улсын Ерөнхийлөгчөөс тав, Улсын Их Хурал дахь намын бүлэг, Байнгын хороодоос 65, Засгийн газраас 49, нийтдээ 119 хууль тогтоомжийн төслийн санал ирүүлжээ.

Тогтоолын төслийг боловсруулахдаа хуулиар хэлэлцэхийг нь тусгайлан заасан хууль тогтоомжийн төслүүдийг нэр зааж тусгах, харин хэлэлцүүлгийн шатанд байгаа болон хууль санаачлагчдаас өргөн мэдүүлсэн хууль, Улсын Их Хурлын бусад шийдвэрийн төслүүдийг 2019 оны хаврын ээлжит чуулганаар хэлэлцүүлэх асуудлыг тухай бүрт нь шийдвэрлэж байх зарчим баримталсан гэдгийг Төрийн байгуулалтын байнгын хорооны дарга  Д.Лүндээжанцан танилцуулгадаа дурдсан. Хаврын чуулганаар нийт 30 асуудал хэлэлцэхээр төлөвлөснөөс ээлжит бус чуулганаар:

Татварын ерөнхий хуулийн шинэчилсэн найруулгын төсөл,
Аж ахуйн нэгжийн орлогын албан татварын тухай хуулийн шинэчилсэн найруулгын төсөл,
Хувь хүний орлогын албан татварын тухай хуулийн шинэчилсэн найруулгын төслийг тус тус хэлэлцэн баталсан тул хаврын чуулганы хугацаанд нийт 27 хуулийн төсөл хэлэлцэх юм.
ХАВРЫН ЭЭЛЖИТ ЧУУЛГАНААР:

1. .Монгол Улсын нэгдсэн төсвийн 2020 оны төсвийн хүрээний мэдэгдэл, 2021-2022 оны төсвийн төсөөллийн тухай хуулийн төсөл,
2. .Монгол Улсын 2018 оны төсвийн гүйцэтгэл батлах тухай” Улсын Их Хурлын тогтоолын төсөл, Монгол Улсын Засгийн газрын .2018 оны санхүүгийн нэгтгэсэн тайлан,
3. Монгол Улсын эдийн засаг, нийгмийг 2018 онд хөгжүүлэх Үндсэн чиглэлийн биелэлт,
4. .“Монгол Улсын эдийн засаг, нийгмийг 2020 онд хөгжүүлэх Үндсэн чиглэл батлах тухай” Улсын Их Хурлын тогтоолын төсөл,
5. “Засгийн газрын өрийн удирдлагын стратеги шинэчлэн батлах тухай” Улсын Их Хурлын тогтоолын төсөл,
6. Монгол Улсын Үндсэн хуульд оруулах нэмэлт, өөрчлөлтийн төсөл,
7. Монгол Улсын Их Хурлын сонгуулийн тухай хуулийн төсөл,
8. Монгол Улсын Ерөнхийлөгчийн сонгуулийн тухай хуулийн төсөл,
9. Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн төсөл,
10. Улс төрийн намын тухай хуульд нэмэлт, өөрчлөлт оруулах тухай хуулийн төсөл,
11. Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл,
12. Зөвшөөрлийн тухай хуулийн шинэчилсэн найруулгын төсөл,
13. Мэдээллийн аюулгүй байдлын тухай хуулийн төсөл,
14. Өрсөлдөөний тухай хуулийн төсөл,
15. Эх оронч худалдан авалтын тухай хуулийн төсөл,
16. Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл,
17. Өмгөөллийн тухай хуулийн төсөл,
18. Гэмт хэрэг, зөрчлөөс урьдчилан сэргийлэх тухай хуулийн шинэчилсэн найруулгын төсөл,
19. Захиргааны ерөнхий хуульд нэмэлт, өөрчлөлт оруулах тухай хуулийн төсөл,
20. Захиргааны хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл,
21. Зөрчлийн тухай болон Зөрчил хянан шийдвэрлэх тухай хуульд нэмэлт, өөрчлөлт оруулах тухай хуулийн төслүүд,
22. Эрүүгийн болон Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслүүд,
23. Архидан согтуурахтай тэмцэх тухай хуулийн шинэчилсэн найруулгын төсөл,
24. Хөдөлмөрийн тухай хууль /шинэчилсэн найруулга/-ийн төсөл,
25. Ерөнхий боловсролын сургуулийн хоол үйлдвэрлэл, үйлчилгээний тухай хуулийн төсөл,
26. Эм, эмнэлгийн хэрэгслийн тухай хуулийн шинэчилсэн найруулгын төсөл,
27. Бусад