Ардчилсан намынхан энэ сарын 5-ны өдөр Сүхбаатарын талбайд жагсаал хийхээ мэдэгдсэн.
Тэгвэл жагсаалд АН-ын 32 үүр тус бүрээс 100-аас дээш хүнийг хамруулах үүрэг даалгавар өгсөн гэх мэдээлэл чих дэлсэж байна.
Тодруулбал 32 үүрийнхээ дунд оролцооны уралдаан зарлаж эхний гурван байрыг шалгаруулах гэнэ. Тэргүүлсэн буюу 100-аас дээш хамгийн олон хүнийг хам руулсан үүрийг 1 сая төгрөгөөр, удаах байрыг 750 мянган төгрөг, 3-р байрыг 500 мянган төгрөгөөр тус бүр шагнаж урамшуулна гэжээ.
Мөн 2020 оны сонгуульдаа ухуулагч, шадар туслахаар ажиллах 50 хүнийг шалгаруулж, тэднийг тус бүр нэг хүн дагуулж жагсаалд оролцох үүрэг өгсөн бөгөөд 50 ухуулагч, шадар туслахуудаа “Их тамир” амралтанд 2 өдөр үнэгүй амраах амлалтыг ч өгсөн байна.
Аливаа жагсаал цуглаанд иргэд итгэл үнэмшлээрээ оролцдог. Мөн өөрсдийн эрх ашиг буюу үр хойч, ирээдүйнхээ төлөө, шударга ёсны төлөө нэгдэж жагсдаг.
Гэтэл АН-ынхан мөнгөөр төв талбайд иргэдийг жагсаалд уриалан дуудаж ил цагаандаа гарав. Өөрөөр хэлбэл жинхэнэ төлбөрт жагсаалд ард олон энэ сарын 5-нд АН-ын дуудлагаар ирэх бололтой.
Энэ сарын 7-ны өдөр Ардчилсан намын баярын өдөр тохиох бөгөөд баярын арга хэмжээ нь төлбөртэй жагсаалаар эхэлж үндэсний бөхийн барилдаанаар дуусах хөтөлбөртэй байна.
Сэтгэгдэл бичигдээгүй байна