З.Цогтгэрэл: 2026 ондоо багш нарын цалинг 2.8 сая төгрөгт хүргэхээр боллоо

Багш нар хэлэлцээрт хүрч, ажил хаялтаа зогсоох болсон талаар Үйлдвэрчний эвлэлээс мэдээлэл хийлээ.

МБҮЭХ-ны дарга З.Цогтгэрэл: 2026 ондоо багш нарын цалинг 2.8 сая төгрөгт хүргэхээр боллоо.

•   Төрийн болгон орон нутгийн өмчийн цэцэрлэг, ЕБС, мэргэжлийн боловсролын сургууль, политехник коллеж, насан туршийн суралцахуйн төвийн багш ажилчдын үндсэн цалингийн хэмжээг 2026 оны нэгдүгээр сарын 1-ний өдрөөс 50 хувиар, 2026 ондоо 2.8 сая төгрөгт хүргэхээр боллоо.
• Боловсролын салбарын улсын төсвийн нийт зарлагын 20-с доошгүй хувийг ДНБ-ий зургаагаас багагүй хувийг зарцуулах талаар холбогдох хуульд тусгуулах чиглэлээр хамтран ажиллахаар боллоо

Мөн үндсэн цалинг 3.5 сая төгрөгт хүргэх асуудлаар 2027 оны төсвийн төсөлд тусгуулахаар боллоо.

Ажил хаялтын хугацаанд ажил хаялтыг дуусгавар болгохыг 24 цагийн өмнө мэдэгдэх ёстой. Энэ мэдэгдлийг албан ёсоор та бүхэнд хүргүүлж байна.

Ийнхүү 11 дүгээр сарын 5-ны өдрөөс эхлэн хичээл эхэлнэ. Мөн Ажил хаялтад оролцсон багш, ажилчдын цалинг бүрэн олгохоор боллоо.