ТББХ: Зөвшөөрлийн тухай тэргүүтэй хуулиудыг хэлэлцэх асуудлын жагсаалтад орууллаа

УИХ-ын Төрийн байгуулалтын байнгын хороо өнөөдөр хуралдаж, Монгол Улсын Их Хурлын 2025 оны намрын ээлжит чуулганаар хэлэлцэх асуудлын жагсаалтад ороогүй хууль, тогтоолын төслүүдийг чуулганаар хэлэлцүүлэх эсэх асуудлыг хэлэлцлээ.

Улмаар,

-Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Н.Учрал нарын 3 гишүүн 2025.12.17-ны өдөр өргөн мэдүүлсэн/

-Гадаад зээллэгийн ашиглалт, үр ашгийг нэмэгдүүлэх тухай анхдагч хуулийн төсөл /Улсын Их Хурлын гишүүн Н.Алтаншагай нарын 21 гишүүн 2025.12.12-ны өдөр өргөн мэдүүлсэн/

-Нийгмийн ажлын тухай анхдаг хуулийн төсөл болон хамт өргөн мэдүүлсэн хуулийн төслүүп /Улсын Их Хурлын гишүүн О.Сааранчулуун нарын 24 гишүүн 2025.12.17-ны өдөр өргөн мэдүүлсэн/

-Эдийн засгийн эрх чөлөөний тухай

-Монгол Улс болон Европын сэргээн босголт, хөгжлийн банк хоорондын зээлийн хэлэлцээрийг соёрхон батлах,

-Монгол Улс болон Азийн хөгжлийн банкны санхүүжилтийн ерөнхий хөтөлбөр соёрхон батлах тухай

-Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төсөл /Засгийн газар 2025.12.18-ны өдөр өргөн мэдүүлсэн/ зэргийг УИХ-ын Чуулганы хуралдааны дэгийн тухай хуулийн 5.7-д заасны дагуу хэлэлцэх асуудлын жагсаалтад орууллаа.