-Канадад монгол гэр моод болжээ-
Монгол гэр сүүлийн үед Канадад тун ч алдаршиж, хэрэглээнд нэвтэрч байна. Өнгөрсөн зун канадчууд хурим найр, аялал зугаалгадаа монгол гэр ашиглаж байсан бол одоо давуу талыг мэдэрсэн зарим нь бүр байнга амьдрах болжээ. Томпсон Риверс их сургуулийн оюутан Майкл Жеффри тэдний нэг. Тэрээр байр хөлслөх мөнгөө хэмнэхийн тулд сургуулиасаа холгүй байрлах морины фермийн хашаанд гэр барин төвхнөсөн байна.
Угаас задгай агаарт байх сонирхолтой тул монгол гэр түүний хэрэгцээнд яв цав таарсан аж. Канадад монголчуудын хэрэглэдэг шиг пийшин зардаггүй учир залуу өөрөө пийшингээ барьжээ. Сард хашааны хөлс болох 150 ам.доллараас өөр зарлага гаргадаггүйдээ Жеффри сэтгэл хангалуун байна. Цахилгаан үүсгэгч байгаа ч утас, нөүтбүүкээ ойролцоох кафед орохдоо цэнэглэдэг гэнэ. Өнгөрсөн зун Эдмонтон хотод найзындаа очиж амрахдаа гэрт байрлаж байсан нь түүнд энэхүү “мэргэн” санааг төрүүлжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.29.144
Монгол гэрийг маань оромж төдийгөөр л барьдаг болж дээ...халтуурдах л гэж энэ бхдаа
Хариулах