Хүн амьдралынхаа гуравны нэгийг нойрсож өнгөрөөдөг. Зүүдэлдэггүй хүн гэж байхгүй бөгөөд бид зүүднийхээ 95 хувийг сэрснийхээ дараа санадаггүй гэсэн судалгаа байдаг. ЗӨВ.МН энэ удаа зүүдний тухай сонирхолтой 10 баримтыг онцолж байна.
1. Хүмүүсийн хамгийн түгээмэл зүүдэлдэг зүүд нь хэн нэг дотнын хүн нь өөрийг нь хуурах эсвэл урвах байдаг байна. Насанд хүрсэн хүн ингэж зүүдлэх нь ганцаардаж байгаагийн шинж гэнэ.
2. Хараагүй хүн зүүдэндээ хардаг. Хэдийгээр орчлонг харах хувьгүй төрсөн ч хараагүй хүн ч зүүдэндээ харж зүүдэлдэг. Түүнчлэн тэд зүүдэндээ сонсох, үнэрлэх, хүрэлцэх гэх бүх мэдрэмжийг тэнцүү мэдэрдэг байна. Харин хараатай хүмүүсийн хувьд энэ нь маш хүчтэй зүүдэлсэн үед л мэдрэгддэг гэнэ.
3. Хүн бүр л хар дарж зүүдэлж үзсэн байх. Хар дарсан зүүд зүүдлээд сэрэхэд сэрүүн үедээ айдастайгаа дасан зохицоход тустай байдаг гэвэл та итгэх үү? Хар дарсан зүүд хүний тархины аюул болон аймшигт тохиолдлуудад үзүүлэх хариу үйлдлийн чадварыг сайжруулахад тусалдаг гэжээ. Ингэснээр хар дарж зүүдлэх нь таныг хамгаалдаг гэсэн үг юм.
4. Бодит байдлын сэрэл, мэдрэмж бидний зүүдэнд мэдрэгддэг. Хүн зүүдэндээ цангаж байна гэж зүүдэлбэл бодит байдал дээр мөн цангасан байдаг. Мөн бидний бие унтаж байхад халууцаж байхыг мэдэрч байгаа бол зүүдэнд ч энэхүү мэдрэмж мэдрэгдэнэ.
5. Эрдэмтэн судлаачдын үзэж байгаагаар хүмүүс 1954 оноос 2000 оны хооронд нисэж зүүдлэх нь нэмэгдсэн бөгөөд үүнийг телевизор зохион бүтээгдсэнээс болсон хэмээн үздэг байна. Харин эдгээр онуудаас өмнөх үед нисэж зүүдэлсэн баримт тэмдэглэгдээгүй ажээ.
6. Хүн хөдөлж байнга байрлалаа сольж унтахад өмнө нь зүүдэлсэн зүүд нь өөр шинэ зүүд болон хувирдаг байна. Тиймээс хар дарж зүүдэлдэг ихэнх хүмүүс анх хэвтсэн байрлалаасаа хөдлөөгүй сэрдэг гэнэ. Харин хөдөлгөөнтэй унтдаг хүмүүс хар дарах нь бага ажээ.
7. Ихэнх хүмүүс муухай зүүдээ мартдаггүй байна. Энэ нь нас ахих тусам ихэсдэг бөгөөд ихэнхдээ эрчүүд зүүдээ мартахгүй санасаар байдаг ажээ.
8. Эрдэмтдийн оюутнуудын дунд хийсэн судалгаанд унтахынхаа өмнө хичээлийн материалаа уншдаг, шөнөжин унтахгүй бэлддэг эсвэл унтахынхаа өмнө өөр зүйл хийдэг хүмүүс оржээ. Үр дүнд нь “унтахаасаа өмнө хичээлээ уншдаг” нь шалгалтад илүү сайн оноо авсан байна.
9. Ихэнх жирэмсэн эмэгтэйчүүд хар дарж зүүдэлдэг байна.
10. Ихэнх алдартай хөгжимчин суут бүтээлүүдээ зүүдэлж зохиосон байдаг ажээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.117.15
Хүн зүүдэндээ зүүдэлж байгаагүй зүүд бол үхэх
Хариулах