Английн алдарт “Манчестер Юнайтед” багийн үнэнч хөгжөөн дэмжигч Б.Очирваанийг Премьер лигийн албан ёсны цахим хуудас онцолжээ. Түүний Монголоос “Олд траффорд” цэнгэлдэх хүртэлх жилийн турш дугуйгаар хийсэн аялалын бичлэг, сэтгэл хөдлөм түүхийг өгүүлсэн нэвтрүүлэг өмнө нь лигийн албан ёсны фэйсбүүк хуудаст тавигдаад байсан юм.
Тэрбээр “Манчестер Юнайтед” багт захидал бичсэнийг багийн удирдлагууд хүлээн авч, өнгөрсөн ням гарагт болсон тоглолтыг үзүүлсэн бөгөөд дуртай тоглогч Уэйн Рунитэй уулзуулж, мартагдахааргүй бэлэг барьсан юм. Ингэхдээ Б.Очирваанийг “Director's box” буюу хүндтэй эрхмүүдийн суудаг VIP хэсэгт домогт дасгалжуулагч Алекс Фергюсон зэрэг хүмүүстэй хамт сууж “Арсенал”, “Манчестер Юнайтед”-ын тоглолтыг үзүүлжээ. Энэ суудлаас тоглолт үзэхэд 9000 орчим фунт стерлинг буюу 38 сая төгрөгийн үнэтэй байдаг гэнэ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна