А.БАЯР: Гэмт хэргээс урьдчилан сэргийлэх ажлыг эрчимжүүлэхийн тулд үр дүн багатай ажлуудыг шинэ шинэлэг ажлаар сэлгэх шаардлагатай!

С.Гандэлгэр
Өчигдөр 14 цаг 19 минут

Баянзүрх дүүргийн гэмт хэргээс урьдчилан сэргийлэх ажлыг зохицуулах салбар зөвлөлийн хурал боллоо. Хуралд Баянзүрх дүүргийн Иргэдийн төлөөлөгчдийн хурлын дарга А.Баяр, Тэргүүлэгчдийн Нарийн бичгийн дарга бөгөөд Ажлын албаны дарга Ч.Мэндсайхан, Баянзүрх дүүргийн Засаг даргын тамгын газрын дарга И.Баттөгс, холбогдох газар, хэлтсийн төлөөлөл, удирдлагууд оролцлоо. Хурлаар


1. Дүүргийн гэмт хэрэг, зөрчлийн нөхцөл байдлын талаарх 2021 оны 1 дүгээр улирлын тайлан мэдээ танилцуулах тухай 2. Дүүргийн Онцгой байдлын хэлтсийн 2021 оны 2 дугаар улирлын тайлан мэдээ танилцуулах тухай 3. Гэмт хэргээс урьдчилан сэргийлэх ажлыг зохицуулах салбар зөвлөлийн 2021 онд хийж хэрэгжүүлэх үйл ажиллагааны төлөвлөгөөнд тусгасан ажлуудын тухай 4. Бусад асуудлыг хэлэлцэж шийдвэрлэлээ.

Хурлын үеэр Баянзүрх дүүргийн Иргэдийн төлөөлөгчдийн хурлын дарга А.Баяр хэлэхдээ :

"Манай улсад сүүлийн 10 жилийн хугацаанд үйлдэгдэж буй гэмт хэргийн тоо тогтмол өсч ирсэн ба гэмт хэргийн улмаас 2014 онд 148,3 тэрбум төгрөгийн хохирол учирч энэ тоо жил ирэх тус өссөөр байна. 2020 оны тухайд гэмт хэргийн улмаас нийт 254,9 тэрбум төгрөгийн хохирол учирсан гэх тоон мэдээлэл байна.

Гэмт хэргээс урьдчилан сэргийлэх үйл ажиллагаа нь хууль дээдлэх, хүний эрх, эрх чөлөөг хүндэтгэх, олон нийтийн хүчинд түшиглэх, иргэд оршин суугаа нутаг дэвсгэрийнхээ хэмжээнд урьдчилан сэргийлэх чиглэлээр зохион байгуулж байгаа ажилд оролцох, аж ахуйн нэгж, байгууллага дотооддоо болон үйл ажиллагааныхаа хүрээнд гэмт хэрэг гарах шалтгаан нөхцөлийг арилгах ажлыг хариуцан зохион байгуулах зарчимд тулгуурлан явагдах учиртай.

Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүнийг иргэдийн Төлөөлөгчдийн Хурлын Тэргүүлэгчдийн 2021 оны 02 дугаар сарын 10-ны өдрийн А/03 дугаар тогтоолоор 16 гишүүний бүрэлдэхүүнтэйгээр шинэчлэн баталсан. 2021 онд Салбар зөвлөлөөс хийж хэрэгжүүлэх ажлын төлөвлөгөөнд гишүүн нэг бүрийн саналыг тусгах үүднээс төлөвлөгөөнд тусгах саналыг хүлээн авч, гэмт хэрэг зөрчлөөс урьдчилан сэргийлэхэд чухал үр нөлөө бүхий ажлуудыг эрэмбэлэх, өмнө нь хийж байсан үр дүн багатай ажлуудыг шинэ шинэлэг ажлаар сэлгэж гэмт хэрэг, зөрчлийн гаралтыг бууруулахад анхаарч хэрэгжих боломжтой бодит төлөвлөгөөг батлан хэрэгжүүлэх зорилгоор Салбар зөвлөлийн гишүүд, холбогдох байгууллагын удирдах, гүйцэтгэх албан тушаалын албан хаагчидтай олон удаагийн уулзалтыг хийн төлөвлөгөөгөө баяжуулан ажиллаа" гэж Баянзүрх дүүргийн ИООНХХ-ээс мэдээллээ.




Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна