Улс төрийн шатаар өгсөөгүй ч өөрсдийн бүрдүүлсэн имижээр өрсөлдөх “кандидат”-ууд

2020 оны 02 сарын 21

УИХ-ын 2020 оны сонгуулиар нэр дэвшихээ илэрхийлж буй горилогчид нэмэгдсээр байна. Энэ удаад улс төрийн шатаар өгсөөгүй ч өөрсдийн бүрдүүлсэн имижээр төрийн эрх барих дээд байгууллагын төлөөллөөр өрсөлдөхөө мэдэгдээд буй эрхэмүүд олны анхаарлын төвд байна.

Хөгжлийн банк шарк Г.Амартүвшингийн улс төрд гарах шат байсан уу?

Тэдний жагсаалтыг Хөгжлийн банкны гүйцэтгэх захирал асан Г.Амартүвшин тэргүүлж байгаа.  Тэрбээр ирэх сонгуульд МАН-аас нэр дэвшихээр болж, өөрийн хүсэлтээр өнгөрсөн оны арванхоёрдугаар сарын 31-ний өдөр ажлаа хүлээлгэн өгсөн байдаг.

 Түүнийг олон нийт "шарк" Г.Амартүвшин гэдгээр нь илүү сайн мэдэх бөгөөд мөн нэрт эрдэмтэн Бямбын Ренчин гуайн зээ юм. Хөгжлийн банкны гүйцэтгэх захирлаар томилогдохоос өмнө "Хас" банкны Гүйцэтгэх захирлаар ажиллаж байв. Хөгжлийн банкны гүйцэтгэх захирлаар хагас жил орчим ажилласан тэрбээр ийнхүү улстөрд хүчээ үзэхээр шийдсэн байна. Гэхдээ аль тойргоос нэр дэвших нь одоогоор тодорхойгүй байгаа юм.

Хүний их эмч Ж.Чинбүрэн улс төрч болно

Монгол Улсын гавьяат эмч ХСҮТ-ийн захирал асан Ж.Чинбүрэн энэхүү жагсаалтыг үргэлжлүүлж байна.  Тэрбээр УИХ-ын сонгуульд нэр дэвшихээр зэхэж, шинэ он гарахаас өмнө ХСҮТ-ийн захирлын ажлаа хүлээлгэн өгсөн байна.

Ж.Чинбүрэн МАН-аас дэвших тухай яригдаж байгаа ч аль тойргоос дэвших нь одоогоор тодорхойгүй байна.

Д.Энхжаргалд тойрог олдох уу?

Монголбанкны Дэд Ерөнхийлөгч асан Д.Энхжаргал МАН-аас дэвшихээр идэвхтэй гүйж яваа гэнэ. Тэрбээр банк, санхүүгийн салбарт 30 гаруй жил ажилласан туршлагатай нэгэн Төв банкны анхны эмэгтэй Дэд Ерөнхийлөгч болсон түүхтэй нэгэн юм.

Салбартаа өндөр боловсролтой эмэгтэйчүүдийн дээгүүрт эрэмблэгддэг тэрбээр УИХ-ын сонгуульд нэр дэвшихээр намын удирдлагууддаа хүсэлтээ илэрхийлж яваа гэнэ. Мөн л одоогоор аль тойрогт дэвших нь тодорхойгүй байна.

Г.Сар

 

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 02 сарын 21
103.212.116.15
з

Монгол банкны орлогч захирал Ома гээд эмэгтэй байсан шүү дээ Одооны дэдүүдийн дэргэд ч ёстой мэдлэг боловсрол ёс суртахуунаар гайхалтай эмэгтэй байж билээ

2020 оны 02 сарын 21
66.181.179.217
зочин

Цогзолмаа ,Билэгт,Амарзаяа нартай харьцуулахад нэр дэвших боломжтой харагдана.