ОХУ-ын тэрбумтан, бизнесмен Аркади Ротенберг "Путины авлигын хөрөнгөөр боссон хэмээн шүүмжлэл дагуулж буй, Хар тэнгис дэх нууц харш минийх" гэж мэдэгджээ.
Алексей Навальныйг Германаас ирмэгцээ баривчлагдаад удаагүй байхад түүний авлигын эсрэг сангаас нэгэн бичлэгийг олон нийтэд цацсан билээ. Тус бичлэг дээр Хар тэнгисийн ойролцоо байрлах нэгэн асар том нууц харшийг Алексей Навальный "Путины авлигын хөрөнгөөр боссон ‘хаант улс’ хэмээн тодорхойлон тайлбарлаж буй нь гардаг. Тус бичлэг цахим орчинд асар хурдтай тархаж, хэдийнэ 103 сая гаруй үзэгчтэй болжээ. Гэвч Путин тус харшийг өөрийнх нь биш хэмээн удаа дараа мэдэгдсэн юм.
ОХУ-ын Төрийн тэргүүний эртний найз, жүдогийн хамтрагч байсан Аркади Ротенберг тус харшийг хоёр жилийн өмнө худалдаж авснаа тайлбарласан байна. Тэрбээр “Нууц харш одоо нууц байхаа нэгэнт болилоо. Тэр харшийн эзэн бол би. Анх харшийг худалдаж авахын төлөө маш олон хүн өрсөлдөж, төвөгтэй байдал үүсч байсан ч эцэст нь би эзэн нь болж чадсан юм” хэмээн ярьжээ. Гэвч тэрбээр хэрхэн, хэр хэмжээний мөнгөөр харшийг худалдан авсан болон үйл ажиллагааг нь үргэлжлүүлэхэд шаардлагатай мөнгө гэх мэт нарийн ширийн асуудлын талаар огт дурьдаагүй аж.
Алексей Навальный тэнсэн харгалзах ялын хугацаа дуусаагүй байхад хил давсан гэх үндэслэлээр нэгдүгээр сарын 18-нд Москвад онгоцноос буумагцаа баривчлагдсан билээ. Баривчилгааны 30 хоногийн хугацаанд шүүхийн шийдвэр хэрхэн гарахыг таах аргагүй бөгөөд Навальный шоронд хоригдож ч магадгүй юм.
Эрх баригчдын эл үйл ажиллагааг эсэргүүцсэн мянга мянган хүмүүс өнгөрсөн долоо хоногт ОХУ-ын олон хот, улмаар гадны зарим улсуудад жагсаал хийж, Навальныйг суллахыг шаардсан ба Алексей Навальныйг дэмжигчид жагсаалыг үргэлжлүүлэхээ нэгэнт зарлажээ. Гэвч эрх баригчдын зүгээс цар тахлын улмаас хөл хорио тогтоосон үед жагсаал цуглаан хийх нь хууль бус бөгөөд хүчээр тараахад бэлэн гэдгээ илэрхийлсэн байна.
Эх сурвалж: REUTERS
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
139.5.217.68
Боль битгий инээ хоёр бурхан зодолдож байхад ээ бурхаан гэж Ням өвгөн залбирдаг шиг хойд хөршийн асуудал үхэр монголчуудад юуны хамаа байнаа өөрсдөө дотоодыхоо хулгайч дээрэмчин алуурчин хүчиндэгч нараа толгой дээрээ залж баас шээсийг нь долоож байж юун бага зантай банзал хошуутай болчихсон аавын цээж ээжийн бөгснүүд вэ? хойдуул зүгээр л найтаахад та нар өмдөндөө өтгөн шингэнээ сул тавьдагаа мартаа юу? Одоо ингэж мөөрч байхыхаа оронд бүдүүлгээр зөрчигдөж байгаа монгол хүнийхээ рэхийхээ төлөө мөөрөх учиртай бус уу? үхэрнүүдээ үмх тэжээл хивэг олж идэхээ бод малнуудаа
Хариулах81.185.171.238
Путины заль
Хариулах66.181.187.201
Хогын өвгөчүүл. Эд баялаг, эрх мэдлийн шунал хүнийг үхэхгүй юм шиг л бодогдуулдаг байх даа.
Хариулах