Монгол Улс, ОХУ-ын Засгийн газар хоорондын комиссын ээлжит хурал өнөөдөр эхэлнэ. Хуралд оролцохоор ОХУ-аас Ерөнхий сайдын орлогч Виктория Абрамченко, Буриадын БНУ-ын ерөнхийлөгч Алексей Цыденов тэргүүтэй төлөөлөгчид Улаанбаатарт хүрэлцэн ирсэн байна.
Хуралдаанаар хоёр улс худалдаа эдийн засаг, шинжлэх ухаан технологийн чиглэлээр хамтын ажиллагааны зураг гаргаж, заримыг нь ажил хэрэг болгодог. Энэ удаагийн хурлаар Монгол Улсаас ОХУ руу гаргах мах, махан бүтээгдэхүүн, ноолуур зэрэг бүтээгдэхүүнд ОХУ-аас ногдуулдаг татварын хэмжээг багасгах асуудлыг хэлэлцэнэ гэж Ерөнхийлөгч У.Хүрэлсүх Бээжинд ОХУ-ын Ерөнхийлөгч В.Путинтай уулзахдаа тохирсон гэж албан ёсоор мэдээлсэн билээ.
Уулзалтад оролцох Монгол Улсын төлөөлөгчдийг Эдийн засгийн хөгжлийн сайд Ч.Хүрэлбаатар ахлах юм байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна