Засгийн газрын хуралдаанаас гаргасан шийдвэрийг танилцуулж байна.
Экспортыг дэмжих, валютын нөөцийг нэмэгдүүлэх Ажлын хэсгийн ахлагч, Сангийн сайд Б.Жавхлан энэ үеэр ээлжит танилцуулгаа хийлээ.
Тэрбээр "Экспортыг нэмэгдүүлэхийн эцсийн зорилго нь валютын нөөцийг нэмэгдүүлэх. Засгийн газрын дан нөөц, Монгол банкны дан нөөц гэж байхгүй. Монголбанкны валютын нөөц л гэж бий. Тиймээс бүх талууд үүнд өндөр ач холбогдол өгч ажиллаж байгаа. Иймээс Засгийн газар бүх боломжит сувгуудаараа ажиллаж байна.
Валютын нөөцийг нэмэгдүүлэх ажлыг экспортыг нэмэгдүүлэх буюу биет хэмжээг нэмэгдүүлэх, мөн санхүүгийн зах зээл дээрх нөөц бололцоогоо дайчилж энэ чиглэлээр ажиллана гэсэн үг.
Банкуудын хувьд бэлэн байгаа нөөц, шинээр хөрөнгө оруулалт, хөрөнгийн зах зээл дээр хөрөнгө босгох ямар боломж байна вэ, Засгийн газрын ямар дэмжлэг байна зэрэг асуудлыг ярилцлаа.
Өнгөрсөн долоо хоногт Засгийн газрын хуралдаанаас хойш манай худалдан авагч талуудтай уулзаж, зохицуулалт хийлээ. Гуравдугаар сарын 13-нд ажлын хэсэг байгуулснаас хойш өчигдрийн байдлаар Монгол Улсын валютын нөөц 5 тэрбум ам.доллараас давлаа" гэв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна