Ерөнхий сайд Л.Оюун-Эрдэнэ АТГ-ын даргаар З.Дашдавааг улираан томилуулах санал гаргасан билээ. Түүний саналыг УИХ-д олонхыг бүрдүүлдэг эрх баригч МАН-ын бүлэг дэмжжээ. Ингэснээр тэрбээр томилогдох нь тодорхой болж байна.
Энэ талаар УИХ-ын гишүүн А.Ариунзаяа "Ерөнхий сайд З.Дашдавааг АТГ-ын даргаар улираан ажиллуулах санал гаргасан. Энэ асуудлыг УИХ-аар хэлэлцээгүй байна. Хууль зүйн байнгын хороо ч хуралдаагүй байна. Одоогоор Ерөнхий сайд яагаад З.Дашдавааг нэр дэвшүүлж байгаа вэ гэдгээ УИХ дахь намын бүлгүүдэд танилцуулж байна.
УИХ дахь МАН-ын бүлэг өнөөдөр 11.00 цагаас хуралдаж, энэ шийдвэрийг дэмжсэн. Яг одоо АН-ын бүлэг хуралдаж байна. Үүний дараа ХЗБХ хуралдана.
АТГ-ын даргыг томилох асуудалтай холбоотойгоор "Монгол Улс олон улсын авлигын төсөөллийн индекс сайжирсан уу" гэсэн асуудал яригдаж байна. Гэхдээ АТГ хэрхэн ажилласан бэ гэдгийг Олон улсын төсөөллийн индекстэй холбох нь угаасаа буруу. Учир нь энэ индексийг төрийн бус байгууллага иргэдийн санал асуулга дээр үндэслэж гаргадаг. Авлигтай тэмцэх ажил сайн явж, олон хэрэг илрүүлэн олон нийтэд мэдээлэх тусам авлига их байна гэсэн үр дүн гарах магадлал өндөрсдөг гэсэн үг.
Албан ёсны мэдээгээр бол АТГ-т мэдээлэгдсэн, шалгагдсан, шалгагдаж байгаа, шийдвэрлэгдсэн хэргийн тоо өссөн.
Авлигын гэмт хэргийн улмаас учирсан хохирлыг нөхөн төлүүлсэн хэмжээ 2007 онд 5.3 сая төгрөг байсан бол 2022 онд 2.3 их наяд, 2023 онд 238.6 тэрбум, 2024 240.9 тэрбум төгрөгийг нөхөн төлүүлж, улсын төсөвт төвлөрүүлсэн байгаа нь төсөөллийн индесээс илүү бодитой ажил" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
178.174.229.45
SAIHAN UVUUGIIN NER TURIIG ULANDAA GISHGEJ DEE HUUHEN GUAI . SHUDARGA BSAN BOL DEERSEN
Хариулах