УИХ дахь МАН-ын бүлгийн дарга Л.Мөнхбаатараас гишүүдийн үнэлгээний системийн талаар тодруулж байна.
-МАН-ын бүлэг бүлгийнхээ дэмжсэн шийдвэрийг эсэргүүцсэн гишүүддээ үнэлгээ тооцож, бүлгээрээ дэмжихээр шийдсэн асуудлыг чуулган дээр шүүмжилсэн, эсрэг санал өгсөн гишүүдийг хариуцлагажуулах журам хэлэлцэж батлуулахыг оролдсон асуудал олон нийтийн анхаарлын төвд байна. Та энэ талаар тайлбар өгөөч?
-Бүлэг бүх асуудалд гишүүдийнхээ саналыг нэгтгэхгүй гэдгийг эхлээд хэлье. Тодруулбал, тодорхой, чухал гэсэн асуудлууд дээр л бүлгийн байр суурийг нэгтгэнэ. Одоогоор улсын төсөв, Францын "Орано" групптэй байгуулсан хөрөнгө оруулалтын гэрээ зэрэг гурван асуудалд л бүлгийн байр суурийг нэгтгэсэн. Бусад асуудалд гишүүд өөрсдийн итгэл үнэмшлээрээ хандар боломж нээлттэй.
Парламентат ёс бэхэжсэн олон улс оронд ийм механизм байдаг. Бүлгийн шийдвэрээс зөрсөн тохиолдолд мөнгөн торгууль ногдуулдаг ч ёс бий. Энэ бол Парламентын засаглал хөгсөн улсад байдаг л нэг соёл юм.
Хуулинд хувь гишүүний мөрийн хөтөлбөр гэж байдаггүй. Улс төрийн намын мөрийн хөтөлбөр гэж л байгаа. Тийм учраас нам мөрийн хөтөлбөрөө биелүүлэх ёстой, энэ зорилгод чиглэж буй чухал шийдвэрүүддээ бүлгийн гишүүдийнхээ байр суурийг нэгтгэх ёстой.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна