УИХ-ын Хаврын чуулганы өнөөдрийн үдээс өмнөх хуралдаан Төрийн ордонд эхэллээ. Хуралдаанаар Хүний эрх, эрх чөлөөг хангахтай холбоотой хуулийн төслүүдийг үргэлжлүүлэн хэлэлцэж байна.
УИХ-ын гишүүн Х.Тэмүүжин “Одоо хэлэлцэж байгаа процессын хууль тулгамдсан асуудлыг шийдэх гэж байгаа учраас дэмжиж байгаа. Гэхдээ Засгийн газраас орж ирж байгаа гэхэд асуудал нь хэтэрхий жижиг байна. Энэ бол УИХ-ын гишүүд өөрсдийн нөөц боломжоороо судалгаагаа хийж оруулж ирээд шийдэх боломжтой асуудал.
Тогтолцооны авлига хөгжсөн ийм үед косметик хагалгаа хийгээд нэмэргүй. Тогтолцооны шинжтэй, бараг газар хөдөлсөнтэй адилхан өөрчлөлт хийж байж үр дүн гарна. Засгийн газар хэзээ процессын хуульд ийм нөлөө үзүүлэх өөрчлөлтүүдийг оруулж ирэх вэ” гэв.
Хууль зүй, дотоод хэргийн сайд О.Алтангэрэл гишүүний асуултад “Тогтолцоог дорвитой өөрчлөх ёстой гэдэгтэй санал нэг байна. Гэхдээ одоо оруулж ирж байгаа хуулийн төслүүдийг бид жижиг, косметик хагалгаа гэж үэхгүй байгаа. Өнөөдөр ажлаа хийж яваа өмгөөлөгч үйлчлүүлэгчээ өмгөөлөх гээд хүсэлт гаргахаар үндэслэлээ бичихгүй ганцхан “Татгалзаж байна” гэдэг хариу өгдөг. Ямар хэрэгт буруутгаж байгааг нь хэлж өгөхгүйгээр саатуулдаг, хорьдог. Мөрдөн байцаагч нь яллагдагчаар татсан тогтоолын зарим хэсгийг мөрдөн байцаагч нь хуруу гараараа дарчихаад “Энэ хэсгийг л харвал хар” гэдэг, нэг хэрэгт буруутгаж байснаа өөр, өөр хэрэгт буруутгалдаг, мэдүүлэг авья гэж дуудсаныхаа дараа өгсөн мэдүүлэг дээр нь үндэслэж буруутгадаг зэрэг асуудлыг шийдэж байгаа” гэж хариуллаа.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
59.153.112.171
СИСТЕМИЙН ӨӨРЧЛӨЛТИЙГ ХЭН ТЭГЭЭД ХИЙХЭВ? ХУВЬСГАЛ Л ГЭСЭН ҮГ БИЗ ДЭЭ?
Хариулах